اخواتي هذه تجربتي مع .....حب الشباب و هي في الحقيقة اول مشاركة لي في هذا المنتدى الطيب
فقد بدء ظهور الحبوب على وجهي منذ سن ال15 سنة واستمر الى دخولي الجامعة و ربما كان ليستمر لولا...
المهم ما تركت شي ما جربته بداية مع روز و ريتن a و skinocream و الكبسولات و كثير من مستحضرات التنظيف من نيتروجينا وغيرها هذا غير الاقنعة و الماسكات اللي 24 ساعة احطهن ..بس كلها كانت تعطي نتائج مؤقتة ثم لا تلبث الحبوب إن تطلع مرة ثانية .. :(
و مرة خبرتني صديقتي انه في وحده تعرفها كان فيها حبوب بس الحين اختفن لانها تعاملت مع و حده فلبينية تشتغل في صالون..بعد تردد طويل(لاني ما ناقصة شي يدمرلي بشرتي اكثر) قررت اني اروح عند هذه الفلبينية عل و عسى!! رحت و اول ما شافتني عرضت علي الطريقة اللي انقذتني من براثن الحبوب
العلاج اللي عرضته علي هو اني اخذ كبسولتين(لان حالتي كانت صعبة!!) من عندها و افتحهن و اصب محتوياتهن في محلول التنظيف "الاسكينول بالليمون" و امسح بقطن به وجهي يوميا صباحا عند الاستيقاظ و مساءا قبل النوم بس ما اغسله يعني امسح وجهي و انساه و اذا بغيت (في الصبح) احط أي كريم ثاني عادي ما مشكله
اشتريت الكبسولتين و سويت مثل ما خبرتني و................
بدأت النتائج الملحوظة من اول اسبوعين ..استمريت في العلاج و بشرتي الحين "ما شاء الله و الحمد لله" استعادت صفاءها و اشراقها المفقود من مئات السنين!!! صار ما فيها و لا حبة و الاثار خفن بعد..
عاد لي الحين ثلاث اشهر و نص تقريبا من بديت هالطريقة وخلص اسكينول واحد و الحين استخدم ثاني بكبسوله وحده عشان حضرة الآثار يروحن
عرفت من هذي العاملة الله يجزيها خير انه الطريقة تناسب كل انواع البشرات(بالمناسبة انا بشرتي بيضاء و دهنية) و انه هالطريقة خبرتها اياها دكتورة و عرفت بعد بنات اتبعن نفس الطريقة و الحبوب اختفن من و جوهن تماما..
و الكبسول اللي استخدمه مكتوب على الورقة اللي على ظهره
Dalacin CTM
150mg
Clindumycin
Pharmacia &Upjohn
هي تقول انه هالكبسول يجفف الحبوب بس بدون أي اضرار جانبية و انل بالفعل ما حسيت باي اثار جانبية بالعكس هالطريقة احسها سريعة وآمنة فنفس الوقت...
بصراحة حبيت اكتب لكم تجربتي يمكن وحده تستفيد منها و تتخلص من الحبوب المؤرقة و اكون دخلت الفرحة فقلبها و تصير تدعيلي .. :27:
اتمنى انه يكون اسلوبي واضح و يجيب عن كل الاستفسارات المحتملة لاني قد لا استطيع الرد على التعقيبات في وقت قريب..
دعواتكم..
golden*tolip @goldentolip
عضوة جديدة
يلزم عليك تسجيل الدخول أولًا لكتابة تعليق.
شكرا اختي
مثل وصفة الدكتورة لكن احط الاسكينول وبعد ذلك امسح مخلوط من هذا السائل مع سائل ثاني واحطه على وجهي
النتيجة حلوة
لكن طريقتج اسهل
مثل وصفة الدكتورة لكن احط الاسكينول وبعد ذلك امسح مخلوط من هذا السائل مع سائل ثاني واحطه على وجهي
النتيجة حلوة
لكن طريقتج اسهل
مبروك حبيبتي والله فرحت لج :32:
زين الغالية وضحيلنا أكثر يعني ناخذ حبتين ونحطهم بعلبة الأسكينول ولا كيف؟
:( يا رب يكون علاج فعال أبي الحبوب وآثارها تروح من بشرتي هي شوي ولله الحمد لكن تعرفين بني آدم طماع يبي كل شي يكون على رقم واحد أبي صفاء وبياض..... ولا حبة :30:
زين الغالية وضحيلنا أكثر يعني ناخذ حبتين ونحطهم بعلبة الأسكينول ولا كيف؟
:( يا رب يكون علاج فعال أبي الحبوب وآثارها تروح من بشرتي هي شوي ولله الحمد لكن تعرفين بني آدم طماع يبي كل شي يكون على رقم واحد أبي صفاء وبياض..... ولا حبة :30:
الصفحة الأخيرة
عندي سؤال
هل تقصدين ان نحط الكبسولتين بعلبة الاسكينول مره وحده بكل علبه ؟ ولا كبسولتين بكل غسله ؟