حب الطفولة كبر في الصبا 🌸

عواطف تركي . :

عزيزتي انتي مدركه كم سنه مرت من الطفوله الى النضج لسن العشرينات ؟ لازم تستوعبين ان لعب الطفوله مرحله وانتهت وكل شخص فيكم الحين كبر بالعمر وخلال هذي السنوات تلقين الولد عاش حياه ثانيه ناسي فيها ثلاث ارباع الماضي فما بالك بسواليف طفوليه وهو يقول بتزوجك ! والوضع اللي انتي تتكلمين عنه صنعتيه من خيالك وكمية الفراغ النفسي والعاطفي اللي تمرين فيه وبلا شعور تبنيتي هذي السالفه وحولتيها حب لشخص مايدري عنك من سنين طويله ويمكن الرجال تزوج وانتي باقي تعيدين تسجيل مقطع الطفوله البريء بذاكرتك لاول شخص حسسك انك مرغوبه وتشبثتي فيه وضخمتيه اذا تبين تنسين هذي الاوهام والخيالات ببساطه لا تغذينها بداخلك بتكرار تذكرها والتفكير فيها والحديث مع النفس عنها لان عقلك الباطن يصدق اللي انتي تفكرين فيه وتتفاعلين معاه عشان كذا انتي انوهمتي انك تحبينه وفي الحقيقه هذا مو حب وبدال هذي الافكار انقلي تفكيرك وتركيزك لحاجات ثانيه اجلسي مع نفسك شوفي وش مواهبك وهواياتك ومارسيها يومياً او حطي لنفسك اهداف وخطط سواء عنايه بالصحه او البشره او تعلم لغه او اي حاجه تطبقينها وتمشين عليها بكذا تساعدين نفسك انك تكبرين بداخلك اشياء حقيقه وتصغرين الوهم المتضخم عندك وصدقيني لو هذا الشخص يبيك او حتى يفكر فيك بعد كل هالعمر كزوجه راح يجيك ماراح يتوه ولا يضيع واذا ربي مو كاتب لكم نصيب ماراح ينفعك تفكيرك وخيالاتك ولا دعائك المبني على باطل

عزيزتي انتي مدركه كم سنه مرت من الطفوله الى النضج لسن العشرينات ؟ لازم تستوعبين ان لعب الطفوله...