حب شباب

السلام عليكم ورحمة الله وبركاته



بنات لي فتره تقريبا شهرين والحبوب غزت وجهي
مدري وش القصه مع انه مايطلع بوجهي نادر مره
ومن عند فمي اصلا ناشف
واللي قاهرني لي يومين طلعت لي حبتين جنب بعض فوق شفتي الى عند انفي
وملتهبه تقولون زي الحرق

مدري وش اسوي مسحتها بمسحه طبيه واغسل وجهي كل شوي بصابونة بابايا 7 في 1
وينشف وجهي مره وادهنه مرات مناطق الناشفه بس وترجع تطلع الحبوب
بنات اسعفوني وش الحل
ماتغير اكلي ولا اي شي يعني مدري وش القصه ووش الحل
مره جا بالتلفزيون بدعايات ام بي سي
عن كريم زي المرهم تحيطنه على الحبه وتروح خلال 24 ساعه الظاهر
ناسيه ماكنت اهتم لانه ماكان عندي مشاكل حب شباب
بسالكم اللي تعرفه وجربته وشافت نتيجه تكفا تدلني على اسمه
واللي عندها حل او دوا او اي شي بس مجربته شخصيا كمان تسعفني بس تراني ارضع يعني اذا شي يضر بنوتتي بلاش