حب لأخيك ماتحب لنفسك

السلام عليكم ورحمة الله بركاته 
جمعه مباركه 
حابه اتكلم عن شي جدا مضايقني خصوصا انه زايد عن حده هاليومين 
الحسد 

صديقتك تزوجت او انخطبت تمني لها الخير 
اختك توظفت افرحيلها مثل فرحتك لنفسك 
ليش بعض الناس يزعلون لو درو ان وحده صارلها شي حلو مو شرط يكون زواج اي شي وظيفه ترقيه منحه ايا كان 
شرت شنطه غاليه او اي شي من هالقبيل 

والعكس صحيح لو صار لفلانه شي شين 
انواع التشمت يصير من ورا ظهرها 
او لبسها مو بالقيمه الفلانيه 


بالعربي الناس معاد يملى عينها شي صارو بدال مايحسدون الشخص من تحت لتحت تطورت للمصارحه بالوجه 

تدرون ليه لان قلوبنا مو صافيه على بعض وعلى اللي حولنا دايم مانبي كل شي لنا بس مانبي فلانه تتوفق او تفرح 


والله ماتكلفك شي كلمة الله يهنيها 
الله يوفقها

تلبسين الشنطه بالعافيه 

(على نياتكم ترزقون)

ماحبيتي الخير الناس لا تقولين ليه ربي مارزقني ليه فلانه متوفقه وانا لا 
ليه فلانه تشتري اللي تبي وانا لا 

فلانه توفى اخوها ساعديهم ظروفهم صعبه اوقفي معهم 
سوي خير وارميه بالبحر ولو انكرو فضلك عليهم ربي مارح ينكره بدال ماتجين للعزا وتقزقزين بخلق الله 
لا تقولين انا سويتلكم ولولاي خلاص ربي رح يعطيهم على نيتهم وانتي بعد على نيتك 

بالاول نظفي قلبك وابدئي بالنية الصافيه وحبي الخير للناس وصديقيني ربي مارح ينساك يمكن المشاكل اللي تصيرلك بسبب حسدك على شخص بسبب انك تتمنين لها الشر 

انا حبيت اكتب هالموضوع لاني هالشريحه من الناس كاثره حتى على شرب المويه تحسد