§®*§™ السلام عليكم ورحمة الله وبركاتة ™§®*§
بصراحة يا خوات عندي نقطة واباكم تبدون برايكم فيها اذا انا غلطانة او وياي حق
والملاحظة الي بذكرها ... ما تمثلني شخصياً بل تمثل شرحة كبيرة من بنات المنتدى الي نعاني من نفس المشكلة
بصراحة مسالة رفع الموضوع ذبحتنا
من انزل موضوع القاه عقب عشر دقايق راح للصفحة الثانية ... وعقب ساعة للصفحات الأخيرة
طيب خواتي الي تحبينه لنفسج حبيه لغيرج
واذا لج مواضيع فيها اشياء تضطرج انج تردين على العين والراس
لكن احيانا نشوف ردود بصراحة نتعجب منها ومعظم الردود تجبرج بانج تضحكين عليهم ... والهدف منها رفع المواضيع لا غير
واذا تبوني اقتبس لكم بعض الأمثلة من الجمل الي يرفعون فيها مواضيعهم .... بقتبس لكم واحكموا بنفسكم اذا هذه
ردود
وبصراحة جتني رسائل على الخاص يسألون عني وليش مختفية
والسبب اني مليت من هالاساليب .... يعني اتعب واشتغل عشان اريد الناس تشوف شغلي
لكن ما ألقى اي رد منهم والسبب ان مواضيعي ترجع للصفحات الأخيرة ....
ويوم ارفع الموضوع على طول القى ردود البنات على الموضوع ويراسلوني على الخاص ويشجعوني
هذا شو معناته .... ان المواضيع ما تاخذ حقها
فاتمنى يا اختي الكريمة خير النساء ... إما بتطبيق القرار الي صار له شهر وأخذ حقة من التصويت
ولو تشوفون نتيجة التصويت وصلت
المؤيدات 99%
والمعارضات 49 %
يعني معظم الاخوات مؤيدات لهذه الفكرة
وأما تجزأت القسم الي أبواب .. يعني باب العطورات او باب الملابس .... الخ
وهالاقتراح تقدمت فيه للإدارة وموجود لين الحين في قسم الملاحظات والمقترحات من 7 شهور ولا حد ابدى برايه فيه
سواء بالايجاب او الرفض
وهذه وصلة الموضوع
http://forum.hawaaworld.com/showthread.php?t=284101
نحن ما نريد اي اخت بان تتوقف عضويتها ... لكن بليز نريد حل لهذه الظاهرة الي بتخلي نسبة كبيرة من البنات
يتوجهون لمنتديات ثانية لعرض منتجاتهم
لان بصراحة بهذه الحالة بيصير المنتدى للأخوات الي شغالين 24 ساعة برفع مواضيعهم
وتقدرون تدخلون الصفحة الاولى وبتلقون أساميهم موجودة لحد الصفحات الأخيرة يعني شي مبالغ فيه لدرجة فضيعة جداً جداً
وهذا يدل على شي واحد فقط وهي الانانية وحب النفس لا غير ...
يا خواتي حطوا في بالكم شي واحد ...
"حب لأخيك ما تحب لنفسك من الخير"
الي تحبينه لنفسج ... حبيه لغيرج .... والله بيبارك لج في رزقج
وصدقوني يا خواتي لو ترفعون مواضيعكم مليون مرة في اليوم .. والله مش كاتب لج رزق بهاليوم
ما راح تحصلينه .... فياريت لو تخفون من هالظاهرة
«»-¸,+°´°+,¸«»¸,+°´°+,¸«»¸,+°´°+,¸«»¸,+°´°+,¸-«»
l¸.•'تَحِيّــــــــ FTOoON_U@E ــــــــاتِي¸.•'l
l¸.•'فتــــــــون الإمــــارات¸.•'l
وياليت تسمع لنا الاداره ويفتحون فروع للقتراح اللي تقولين عليه لان حتى أختنا شدون مره كانت منزله موضوع نفس الطلب ولا احد من الادارة سمعت لنا
والله يوفق ياغلا