حب لفت الانتباه و جذب الشفقه

السلام عليكم ورحمة الله وبركاته


موضوعي صعب ونفسيتي تعبت منه
ماراحب اذكر تفاصيل كثيره للخصوصيه بس راح اذكر اهم النقاط
لو انتي واخواتك كبرتو وتاخرتو بالزواج
وعندك اختك اللي بعدك شخصيتها مهزوزه وتحب تبين انكسارها جدا للناس
من خلال الواتس اب الحاله او وسائل التواصل الاجتماعي
وانا اكره ما عندي هذا الشي ... عندي فكره مقتنعه فيها ٪؜١٠٠ ... ما احد يحس بجرح والم الانسان الا نفسه .... عرض مشاعره للعالم فقط يحصل على شماته او شفقه او فقط الناس يتكلمو عنك ... مالها اي فائده
مثلا انا مستحيل اي انسان من خلال مواقعي للتواصل الاجتماعي يعرف عني اي شي ... خصوصا سلبي ... مستحيل لو قمه حزني انزل شي يدل على هذا الشي ... الناس فقط يحبو يطلعو على هذا الاشياء للشماته او للتسليه او يشعرو بالشفقه اتجاهك ... وكل هذه الاشياء اكرها بقوه ... لو تدخلو حسابي راح تقولو عني انسانه سعيده ... لاني فقط انزل اشياء مضحكه او نكت او ادعيه عاديه او اذكار او صور كوفي او طبخات فقط ....
اما اختي كل حسابها نكد ... وهذا شي يزعجني جدا ... لان اشعر نظره الناس لها تغيرت .... تناقشت معاها في هذا الموضوع ... هاجمتني بعنف وقالت لي مفكره نفسك انتي المثاليه كل شي تعمليه صح ... حره وراح احط اللي يمثلني وما احد له علاقه بي ... راحت ونزلت اشياء عن الحزن ... صراحه تعرضنا لظلم وبهتان من الاقارب ... تروح تحط عن الظلم والظلم ظلمات يوم القيامه ... طيب الظالم ماراح يقرا الحاله ويتاثر ويتغير؟ ليش تبين قهرها للناس اكره هذا الشي ... نفس الشي دايما تحط حالات مثال كلام بما معناه حتى لو نصيبها تاخر فراح يكون افضل ... وكلام عن المصاعب والحزن .... وكل شي تنزله في تلميحات لتاخر الزواج ... وقهر .... وحالات عن شماتته الاهل ... طيب ليش؟؟ خلاص كل احد عرف شو جواتك ... حالتها كآبه ... والله مره دخلت معاها في موضوع مختلف وبشكل غير مباشر تكلمت عن السوشال ميديا وقلت اصلا هذا تضييع وقت وخلاص راح امسح حساباتي وقالت صح كلامك فرحت تمنيت اقنعتها لكن لا حياه لمن تنادي ... اخر مثلل تعبني البارحه راجعين من فرح ونزلت حاله بما معناه لا تكسر نفس لانها محرومه !!!! والله انقهرت بشكل ما تتخيلو... الناس راح يفكرونها حسود ... والله اختي مو حسود ولكنها نفسيه فقط و تحب جو الكآبه واي حاله تمثل الكابه تحب تحطها