سلااااااااااااااااااااااااااااااام:)
شفتها ياسعود صدفه بعد ماغابت سنين
عند قسم المختبر وسط مشفى الجامعه
جيتها ثم قلت ممكن في سؤالي تسمحين
ناظرت فيني بدهشه نظرة متواضعه
قالت انته تحسبني من بنات صايعين
تحسبني في زماني عن طريقي ضايعه
قلت انا ماراح أطول كلبوها كلمتين
وابعدت عني شويه ثم جتني راجعه
قالت اسأل واضح انك من رجال طيبين
بس هرجك يالسنافي وشهو دافعه
قلت انا حبيت وحده يوم كنا صغيرين
ومن ثمان اسنين راحت للمواصل قاطعه
عقبها ما ذقت نوم يهتنيبه النايمين
ساهر في طول ليلي لين شمسي طالعه
اذكر انه في حبه فوق ثغره من يمين
واذكر انه لاجرينا كن شعره تابعه
واذكر انه عاشق في الورود الياسمين
صار قلبي بالورود اللي عشقها زارعه
طابعا اسمه بقلبي فيه سين وفيه عين
وفيه الف وفيه دال وسط قلبي طابعه
قاطعتها بقول سبحان رب العالمين
كررتها مرة ومرتين ورابعه
قلت وشفيك وشبلاك يابنيه ترجفين
ليش عينك يابنيه من كلامي دامعه
قالت الموقف وقلبي والمحبه والحنين
كيف اشوفك بعد ماكنت عنك قانعه
قلت انا أبسألك انكانك انتي تذكرين
عن مواثين من حياتي دافعه
قالت الظروف ماتطيع العاشقين
بيعوني غصب حبك لوهو ماني بايعه
انا في دنياي حالي كنها حال السجين
حتى لو فكوا سراحه فيه شي مانعه
زوجوني غصب واحد وحرموني حاجتين
السعادة في زماني والحياة الرائعه
والحين انا ام لثلاثه عندي ريم وياسمين
والولد اسمه على اسمك والمشاعر جايعه
................................
وش رايكم فيها؟!
يلزم عليك تسجيل الدخول أولًا لكتابة تعليق.
الصفحة الأخيرة
نتمنى مزيد من التفوق للي كاتبه
ومشكوورة عزيزتي