السلام عليكم ورحمة الله وبركاته
يسعدلي مساء وصباح كل من دخل موضوعي ورد
بدخل في مشكلتي على طول
انا لما كنت ادرس ف الثانوي كان ولد عمي يحبني حيل وكان يخطبني كثير
بالرغم علاقة امه واخواته مرة تمام معنا زيارات وجيات مع بعض
وكانو اهلي يرفضونه بحجة انه مو متوظف وكان يحاول يتوصل لي عن طريق التلفون
وكنت اصده ف يوم من الايام جاني قريب لي وقال لي خطبك واحد من اصدقائي
ومواصفاته كذا ووظيفته كذا
المهم وقته انا صغيرة وقلت له كلم اهلي مالي شغل انا بالهمواضيع اهلي يقررون
المهم يابنات الي صار دخلت الجامعة واولى سنة ف الجامعه انخطبت لـ صديق قريبي
وكان وقته ولد عمي مازال يطارد وراي ويحاول يتوصل لي ويكلم اهلي انه يبيني
فـ في يوم من الايام اتصل ولد عمي وشفت رقمه بالكاشف وكلمته
وقلت له ياابن الناس انا انخطبت تخيلو شنو قال لي ؟
قال لي انا يافلانه داخل الدورة العسكرية الان عشان اذا خلصت الدورة 45 يوم بجي اتقدم لك
واكون متوظف انا توظفت عشان اتزوجك وعشان اهلك يوافقون
وصدمته في كلاامي اني انخطبت ااه يابنات الولد انهار وقفلت الخط بوجهه
مدري شنو جاني من قسوة وقتها المهم تزوجت وعشت بعيد عن اهلي
حياتي كانت بالسنة الاولى شبة مستقرة طبعا بعد مااعرست بسنتين سمعت انه ولد عمي تزوج وحده
السنة الاولى رجعت للديرة حقت اهلي واهل زوجي ومن هنا تبدا مسلسل المشاكل انا وياه
لين انفصلنا بدون اطفال وربي يابنات كن عين صابتني
طبعا عشت مع زوجي الاول ست سنوات والحمدالله على كل حال
تطلقت واول ماتطلقت ولد عمي جاب رقمي ورجع اتصل علي ويعاتبني ويبكي ويقول انتي رحتي
وخليتيني وتزوجتي غيري ليش يافلانه حرام عليك انتي دمرتيني ودمرتي مشاعري وحبي لك
وانتي وانتي وحكي كثير يوجع حيل المهم قلت له ياابن الناس انت تزوجت الحين وعندك اطفال
روح بحالك انتهى خليني بحالي ضل وراي خمس سنوات يتصل يتصل ويقول انا برجع اخطبك من جديد
وابيك ولو تزوجتي مرة ثانية غيري راح يصير فيني شي انتي ربي ماوفقك مع الاول
عشان انتي لي مو لااحد ثاني وقتها الفترة الي كنت مطلقة فيها يجون ناس يخطبوني بس انا ارفض
لانه قلبي لسى مجروح من زوجي الاول وخيانته لي وكرهت الرجال وقتها قعدت خمس سنوات مطلقه
وكان وقتها ولد عمي يحاول يتقرب لي عن طريق عمي الكبير جاني عمي وقال لي فلان خطبك مني انا وقتها
افكر بزوجته وعياله كيف برتبط برجال متزوج بغض النظر عن حبه لي هالسنوات الي فاتت قلت لعمي
شاور ابوي وامي قعدت ثلاث شهور افكر في الموضوع وابكي واستخرت وحسيت وقتها شي مثل الجبل
انزاح من قلبي ووافقت وياليتني ماوافقت كان يوعدني انه يعوضني عن كل شي فقدته مع زوجي الاول
وكل شي انحرمت منه ف هالدنيا وعيشني احلام وردية الله اعلم فيها تزوجته والان لي ثمانية شهور متزوجته
من ثاني يوم العرس مشاااكل بسبب زوجته طبعا لما خطبني قلت له قول لزوجتك انك بتتزوج قال هي عندها خبر
وكذب علي ماتدري عنه سافرنا 15 يوم شهر عسل برا وكل يوم كنت ابكي ويزعلني ماتهنيت وربي
من غير اتصالات زوجته الي عرفت انه تزوج ومشاكل كثيييرة يابنات زوجته تحاول تهدم بيتي توصلت لارقامي
وتكتب لي على الواتس انتي اخذتي زوجي واخذتي ابوي عيالي هو تزوج عليها بسبب مشاكل بينهم وقلت له
مالي شغل ف مشاكلك معها لاتدخلني فيها ارجوك اذا جيت عندي انسى بيتك الاول واذا طلعت من عندي
الله معك ومالي فيك انا قاعدة اتحمل كثير يابنات فوق طاقتي وربي يعلم بحالي بس ابكي واندم بيني وبين نفسي
اني تزوجته بدافع الحب وكل ماتهاوشنا يقول لي انا ساكت عليك عشان احبك وماقدر اقولك شي
زوجته تراقبني ف الواتس وتراقب جواله زوجي تخيلو مايجيني الا من الخميس للسبت باقي الايام عندها
عشان انا بديرة وهو بديرة وماقدر انقل عنده بسبب وظيفتي ومتحمله وساكته انه يجيني يومين بالاسبوع والباقي الايام عندها
وساكنه انا بملحق عند اهلي غرفتين بس ومتحمله كل هالاشياء ومن غير انه شوي بخيل ويحاسبني
على اي شي اشتريه معه يقول اذا جبت لك لازم اجيب لها طفششت وربي كل مشكلة معه اقول له طلقني
من بداية زواجنا وانا اتعالج للحمل ومافيني شي وهو نفس الشي بس من المشاكل والنفسية احس ماراح احمل
علموني تكفون وش اسوي معه اذا شافني مبسوطة ينكد علي ف اي شي اذا جاء اليومين الي يكون فيها عندي
ياانه مع زوجته على الواتس او مع اخوياه وانا اقعد اقلب ف التلفزيون
او زوجته تدق عليه ويروح للغرفة يكلمها ويجرحني بااسلوبه معي واذا هاوشته يقول الولد تقول انه تعبان
ويكذب علي وكذا مرة اقول له طيب دامك انت تبغاها ليش تتزوج عليها روح لها وخليني بحالي
وربي يعوضني خير وعيش حياتك معها وكذا مرة يبي يطلقها والله يابنات اني انا اقول له
لا خليها على عيالها ترا مااحد يتحمل الاطفال غير امهم وهي تحاول تهدم بيتي حسبي الله ونعم الوكيل
وربي مااقصرت معه بشي وهو بلسانه يقول لي وامه بعد قالت لي يابنتي ولدي مالقي الراحه الا عندك عشان هالكلمة ذي
والله اني اسكت وابكي وماابي مشاكل معه اقول يلا اتحمل بسسسسسسس خلاص لمتى انا انسانه ولي طاقتي وانفجر بالرغم اني احبه بس اوقات انقهر واكرهه لانه كل شوي يقول لي انتي تزوجتي وخليتيني
وانتي الي خليتيني انجبر على زوجتي الاولى واتزوجها واجيب منه اطفال وانا مابغاها وانتي واهلك السبب ترفضوني من اول قبل 14 سنة
اسلوب الحوار معه جدا معدوم كذا مرة اجي اتكلم معه حتى المشاكل ماتكبر اقعد انا اتكلم مع نفسي وهو ساكت بس يقول ايه ايه ايه يقهر يقهر بااسلوبه ذا يزيد المشكلة
انتظر ردكم ارجوكم لااحد يقول حكي فاضي الواحد نفسيته ماتتحمل واليماعندها رد تدعي لي ربي يكفيني شر زوجته ويسخره لي
Nada13 @nada13
عضوة جديدة
يلزم عليك تسجيل الدخول أولًا لكتابة تعليق.
محد يستاهل@
•
توكم متزوجين طبيعي اول سنه يكون فيها مد وجزر مع الأيام راح يتعدل أهم شي خلي لغة الحوار والصراحه بينكم أي تصرف مايعجبك منه نبهيه انه مايكرهه والحمدلله انتي موظفه منتي محتاجه شي منه بخيل على نفسه والله يسخره لك
من رايي مشاكل عاديه تحصل في اي بيت ..وانتي مكبرتها خذي نفس عميق وفكري زين ..هذا الانسان يحبك ..ورجع لك وانتي مطلقه واتزوجك.. شوفي ي بنت الناس. انتي
بيت لحالك ووظيفه. وزوجك يجيك كل يومين عشان المنطقه بعيده انتي تقولي ..معناته الرجال ماقصر معاكي ..نصيحتي لك لاتضيعي حياتك بالزعل والنكد.. عيشي حياتك واذا كان عند زوجته انشغلي بالبيت والتريتيب وصديقاتك واهلك. اطلعي استانسي واذا كان عندك استقبليه بوجهه بشوش وشوق واتركي العتاب والمشاكل ورا ضهركك.. تلاقينه يرتاح عندك وراح يجي عندك وتعيشي حياة هادئه. لاتتعبي نفسك بالزعل وشد الاعصاب.. ربي يوفقك ويكتب لك الخير
بيت لحالك ووظيفه. وزوجك يجيك كل يومين عشان المنطقه بعيده انتي تقولي ..معناته الرجال ماقصر معاكي ..نصيحتي لك لاتضيعي حياتك بالزعل والنكد.. عيشي حياتك واذا كان عند زوجته انشغلي بالبيت والتريتيب وصديقاتك واهلك. اطلعي استانسي واذا كان عندك استقبليه بوجهه بشوش وشوق واتركي العتاب والمشاكل ورا ضهركك.. تلاقينه يرتاح عندك وراح يجي عندك وتعيشي حياة هادئه. لاتتعبي نفسك بالزعل وشد الاعصاب.. ربي يوفقك ويكتب لك الخير
umaymen
•
طبيعي المشاكل لانه زوجته ماكانت تدري استغفلها لو كانت عارفة يمكن هالحين مشاكلكم اخف ولاتحطين كل مشاكلكم من زوجته هو له دور كمان هو اللي مفروض يعدل بينكم ويوقف كل وحدة عند حدها الله يسخره لك
حاولي تنقلين عنده وخليه يعدل بينكم بعدين تقولين يروح للغرفه الثانيه يكلمها ماتدرين وش يكلمها فيه يمكن تضغط عليه من ناحيه الاولاد وانهم محتاجين
المهم مالك شغل يعدل بينكم بالمبيت والنفقه والباقي مع الوقت يتعدل
انتي زوجته مثلك مثلها مو ذنبك ان ماعندك اولاد للحين هاذا رزق وبيجي
ولاتسكتين عن حقك
المهم مالك شغل يعدل بينكم بالمبيت والنفقه والباقي مع الوقت يتعدل
انتي زوجته مثلك مثلها مو ذنبك ان ماعندك اولاد للحين هاذا رزق وبيجي
ولاتسكتين عن حقك
الصفحة الأخيرة