مشكورين خواتي وجازاكم الله الخير على مساندتكم ودعاؤكم لي بظهر الغيب لكن والله خواتي انا مازلت بحاجه للدعاء فلا تبخلن عليارجوكم. خواتي زوجي هذا انسان خطر علي وعلى الناس هذا طبعا اذا جاز اني أسميه انسان وانا قلتله من قبل ان أكبر عقاب حقك انك تتزوج هالبنت وتطلقني لأن بزواجك منها راح اخلص انا من شرك وبعد بزواجك منها راح تخلص العالم والبيوت والحريم من شرها لأنها ماراح ترتاح الا لما تخرب بيت وتتزوج اهي شايفة انها قربت على نهاية فرص الزواج عندها ولقت زوجي بالنسبة لها اخر فرصة جيدة فهو ما زال شاب ومتزوج يعني مكون نفسه وهي عارفه ان زوجته اللي هي انا بنت ناس وساعدته على تسديد كل ديونه وأقساطه وكان المصروف كله من عندي تقريبا وغير جذيه صار معاشه أحسن من قبل وغير جذيه زوجته تحبه يعني حتى ممكن تساعده ماديا حتى بعد مايتزوج غيرها يعني موزة مقشرة بالنسبه لها وهي عارفه ان الاقسطا المتبقية عليعه مسجلة باسمي يعني قانونا انا المسؤوله وهو المستفيد فيا لاخر فقالت هذا احسن واحد بدل ما تتزوج واحد شايب ولا تتزوج شاب صغير توه بيكون نفسه وعليه ديون ومضطرة تنطره وتدفع من فلوسها عشان تساعده فليش هالعبالة كلها لقت جدامها زوجي اللي مايملي عينه الا التراب وقالت حلوة العب عليه وبسهولة خلته يتنكر لي ولأهله ولأهلي بعد فالأحسن تتزوجه لأنها لو ماتزوجته راح تدور على غيره تخرب بيته والمصيبة يقولي ترا البنت محترمة وزينة وكله تقولي ارجع لزوجتك ل والله كثر خيرها تقوله ارجع لزوجتك اليوم وتطلع معاه باكر . فحسبي الله ونعم الوكيل فيهم هم الثنين.تخيلو من شوية فاعدة اتفرج على مسلسل وكان الزوج في المشهد معصب على و\زوجته كانت هي ترادده بالكلام وتعصيه فقالها لمي هدومك وروحي لبيت أهلك يعني طردها فدخلت الزوجة غرفتها وصرخت فجأة واجاها زوجها وقالتهت انها حامل ففرح كثيرا ونسي كل الي صار وقعد يدلع زوجته مو زوجي اللي من عرف اني حامل ( مع العلم ان هذا ثاني حمل الي واجهضت من قبل كم شهر ولو كنت مكملة حملي كان عندنا توأم بعمر 5 شهور الحين) المهم من عرف بحملي زعل وقالي ليش استعجلتي خلينا نعيش حياتنا براحتنا من غير أولاد وانا خيف عليكي تتعذبي مثل المرة اللي فاتت وانا من غبائي صدقت لكن اكتشفت انه كان مخطط لهالعلاقة من وقتها فما حب اني اجيب طفل يكون مسؤول عنه حب يخلع وهو حر وخفيف طبعا عشان ما يضايق الحلوة اللي عنده. تخيلوا اهله قالوله حرام عليك ليش تسوي جذيه بزوجتك اللي باعت الدنيا عشانك يقولهم والله انا مو مرتاح معاها من اول ماتزوجنا شفوا الاهانة طالما انت مو مرتاح ليش تخليني احمل منك ولا عادي عندك يطلع البيبي معقد مثل ما هو كان معقد لتربيته في اسرة مفككه للأسف شخص حقود يبي طفله يمر بنفس العذا اللي مر فيه ولا من وقاحته بعد يقولهم شفيها زوجتي حنونة خل طفلها معاها وهي راح تربيه زين وتعطيه جنسية بلدها أحسن بالذمة شفتوا آدمي جذيه يعني زواج ببلاش وبيبي ببلاش مايبي حتى يكون أب حقه ما عنده مشكلة ان اهل زوجته اللي يشتمهم ويسبهم يصرفون على ولده اهل زوجته اللي يشتمهم جدامي ويتفاخر فيهم جدام الناس عشان يحصل على معاملة خاصة وواسطات بحكم النسب وجذيه . حسبي الله ونعم الوكيل فيهم الأثنين مليووووووووون مرة.