حترت مع زوجي ... وياليت الدعاء قبل الرد

أنا الصراحة مب عارفة شلون ابتدي مشكلتي الأساسية ان زوجي جاد جدا قليل الكلام لدرجة اني بديت امل منة ..... بس شاسوي ارد أقول احبة ...احبة وااااايد وماقدر استغني عنة ... :icon33: احاول افرفش الجو بس مافي فايدة ...:icon33: والي معذبني أكثر انة دايما مشغول دايما عندة مشاوير ومايرجع البيت الاللنوم فقط يعني يعني يقول لي كم كلمة حلوة عشان ياخذ حاجتة منة وخلاص يعطيني ظهرة وينام ....أكثر من مرة قلت لة الوضع مب مريح فية شي خطأ ... لا تقولون انتي مقصرة ...لا والله بالعكس ...انا باوصف لكم نفسي وإنتو حكمو ا ( وإذا قدرت أكذب عليكم ماقدر أكذب على نفسي :( أصلا إذا كذبت ماراح القى الحل منكم .....
أنا وحدة بيتوتية ماأحب الطلعات .
ولاني مدرسة دايما عندي شعور اني مقصرة على زوجي وعيالي
واحب اطبخ وأعمل حركات في الأكل يعني ماأحب اروتين
أهتم بنفسي وايد وهذا بشهادة الجميع لدرجة ان الناس تقولي ماجنج متزوجة
أحب الخلطات والكريمات
ولاأنسى الدين الحمد لله مواضبة ع الصلاة والصوم وبالعكس زوجي مايصلي أو نادر مايصلي :44: السالفة طويلة ياطويلات العمر بس أرجوكم مالي الا الله وانتو
بس الصراحة اخلاقة زينة كريم ماديا وبخيل معنويا :44:
احيانا اقول يمكن انا رومانسية أكثر من الازم .........:26:
المهم من كثر ماهو كلا مشغول بديت اشك فية :icon33: وهنية المصيبة ..... صرت مانام يجيني ارق من التفكير
وأراقب تليفوناتة ..........مسجات وما القى شي أحيانا القى مسجات ولة وشوق وعتاب بس أخذ ارقم وأخلي اي حد اعرفة يتصل ويشوف من .... يطلع دايما رجال
أحيانا اقول خلاص اصبري هذانصيبج بس تعبت ابي استانس في حياتي الحياة الزوجية مو بس أكل ونوم ومدرسة ودوام وجنس ...... لا الحياة الزوجية الفة وكلام وضحك وغشمرة نااااااااادر مايصي هذا الشي بينا واذا فاتحتة بالموضوع بشكل هستيري
يتم يطالعني ممممممممدة ويقوم ويبوس راسي ويقول انا ادري اني مقصر في حقج وفي حق اليهال وأنا أحبج وماقدر استغى عنج .... ويبوس يدي بعد ويقول والله انتي في بالي على طول ....

بس شاسوي دواااااام ومشااااااااغل التجاااااااااارة ومشااااااااااااااااكل العمااااااااااااااال الي عندي الخ الخ الخ
ايانا اقول باسوي ليلة رومانسي أجيب افكار منكم أو حت من عندي ( ماني هييييييينة ترى أعجبكم في الشغلات هذي ) أكسر الروتين ...
الصراحة يستاااااااااانس وايد ويقول لي كلام حلو ويصير شحلاتة كم يوم وبعدين ترد حليمة لعادتها القديمة
خاطري مرة يفاجئني بشي واقولة فاجئني بشي يجيب لي هدي بس
أقول لة مابي هدايا ولاأبي فلوس أبيك جنبي بس
يعصب ويقول خلاص تبيني أفنش من الشغل أترك التجارة واقعد عندج 24ساعة اوكي
أقول لة لا بس عطني من وقتك شوي ولعيالك شوي
ترى احنا نستاهل
والصراحة انل صغيرة ومحتاجة حد يهتم فيني ويحبني مثل ماأنا أهتم فية أحبة
ارجوكم شاسوي إذا عندكم اي استفسار انا حاضرة بس تنحل المشكل
والله احيانا اقول يمكن حد مسوي لنا سحر واقرى في ماي واعمل ارقية وتهدى النفوس شوي
والله احيانا اشوف حريم مو مهتمين في أزواجهم ولا في نفسهم حتى ويسوون العشا بيض لأزواجهم وكلا بر أعراس وزيارات وعيالهم عند الخدامة ..................... وأزواجهم مثل الخاتم في يدهم شسر ؟ أنا وحدة ماحب يكون زجي خاتم في يدي لا حلاة ال:arb: عندة راي وكلمة في البيت بس ابي اهتمام بس
ارجوكم قولولي شاسوي عندكم حل أي استفسار انا حاضرة :(