حتروحي زواج اي الاشياء الي تفكري تستعدي لها؟؟!! اسمعوا القصه كامله

مراحب اخواتي..
اذا حتروحي زواج حتفكري من بدري تستعدي ويمكن قبلها باسبوع او كم يوم من ناحيه المكياج اللبس التسريحه هل الزواج حلو وراقي او لا ومن هالاشياء؟
لكن ماراح تفكروا هل راح يكون فيه منكرات ؟؟ هل فستاني عاري؟؟
راح احكيلكم قصة حقيقية يوم الاربعاء او الثلاثاء صارت

كانوا بنات عمتي بزواج لاحد قرايبهم والطق حامي ورقص وسهر الى الفجر وهم طالعين ودعوا بنات عمهم وركبوا مع السواق..

وبنات عمهم انتظروا السيارة الي تجي تأخذهم اختهم الكبيرة بنوته دوبها متزوجه ..فجأة قالت آآه وطاحت هم ظنوا انها تدلع او انها مرهقه وركبو السيارة وعلى المستشفى طلع الدكتور وقال

ماتت..

يوم الخميس رحت اعزيهم اخواتها زي المجانين مو مستوعبين وقابلت بنات عمتي وحده منهم كانت ميييته صيااح ولما جلست معاها قالتلي فستاني كان عاري والزواج كله منكرات وكنت ارقص زي المجنونة انا وهي طول الزواج ..الله يرحم حالها ويغفر لها تخيلت اني انا الي راح اموووت ..وجلست تبكي..هذا حال الدنيا..

بناااات هالقصه حصلت صدق وربي يشهد علي ..

بنات حبايبي احنا نقدر نكشخ بدون مانلبس لبس يغضب ربنا ..نقدر نستانس بدون مانرتكب معاصي..مانخاف الموت يجي فجأة ويأخذنا.. والله اني اخاف من موت الفجأة واستعيذ منه دائما..خصوصا لما اكون مسويه منكر او على معصيه..

الله يهدي الجميع..