.::حتـى ربيعتي الروح بالروح تعايرني ::.

السلام عليكم ورحمة الله وبركاته

بنات والله مالي غير الله ثم انتو أشكي لكم همي ..يارب صبرني بس..:(

أنا متزوجة وبكمل ثلاث سنوات والله ما رزقني بطفل من زواجي الثاني ..مع ان سبق لي الانجاب من

زواجي الاول...:42:

وزوجي صابر وما يقول شي ولله الحمد..لكن الناس...وعمتي ..وصديقاتي في الدوام..وامي..وخواتي ..

قطعوني يابوا لي حالة نفسية بستخف...وين ما أروح يقولون لي انتي عقيم أو انتو ما تشتغلون زين ..لدرجة ان مسؤولتي في الدوام تقول لي خذي اجازة واشتغلي عدل عسب تيينا بعد الاجازة حامل ياربي هالشي مو بايدي ..شسوي قربت أستخف ..يارب إنك تصبرني ..واللي خلاني انهار ..كلام صديقني اللي اتصلت فيها اول امس عسب أبارك لها على مولودها اليديد..وكنت ماخذه برد ..وصوتي متغير..والله اني فرحت لها لما ولدت كاني أنا اللي ولدت..قالت لي اش فيه صوتج ..أكيد انتي تصيحين لأانج ما تقدرين اتيبين يهال ؟!!!
تخيلوا ..ما توقعت ..منها هالرمسة..:09:

ياناس هي قالت شي غلط والا أنا اللي صايرة حساسة...
الحمد لله انا ولدت قبل ست سنوات..لكن الله ما كتب لي اني انجب بعد ولادتي الاولى هل هذا معناه إني عقيم؟!!وإذا كنت عقيم شسوي أذبح عمري يعني ؟والا اعترض على مشيئة رب العالمين؟!! يارب لك الحمد ..

انا عارفة إن ربي يختبرني إنه كاتب لي الخير ..وإنه راح يعوضني من الكلام اللي أسمعه

سامحوني بنات ..والله كبت في قلبي من اللي أشوفه او أسمعه ..حتى إذا فكرت أفتح التلفزيون أشوف البرامج تتكلم عن العقم أو عن الانجاب ..ونفس الشي في المجلات..والحال نفسه اذا فكرت اتكلم مع الوالده او وحده من أهلي او صديقاتي :eek:

دعواتكم إن الله يكتب لي اللي فيه الخير..

لا اله الا انت سبحانك إني كنت من الظالمين..يالله عطني الصبر والقوة ..على مواجهة الناس وكلامهم..على شي مالي يد فيه..