حتى آتفادى الغيرة المتعبة
حملت ..وبنتي عمرها 6 سنوات
وهالبنت دلوعة وغيورة
إشتركت في موقع ..مركز الطفل العربي
http://arabia.babycenter.com/
صرت آجعلها تقعد معاي كل إسبوع وتشوف آخر تطورات الجنين
وكانت تقعد في حظني...مع إنها كبيرة
وتلعب مع الجنين إلي في بطني
ولما صرنا نجهز أغراض البيبي
كانت تختار معاي
ولما جاء اليوم المنتظر...كانت معاي في كل لحظة حتى لما أخذوني للمستشفى..وكانت هذي آخر مرة آشوفها...فقلت لها...لما تجين إن شاء الله بتشوفين إختك الصغنونة ..وبتكونين إنتي أمها الثانية
إستانست
ثاني يوم بعد الولادة
دخلت علي ...وركييييييييض علي تبوسني وتسألني عن إختها الصغنونة
ولما دخلت علينا الممرضة بالطفلة...فرحت بها
بعد كم يوم حسيت بدت الغيرة...بس بسيطة مرة...بدأت معاها المرحلة الثانية
صرت العب معاها وقت الطفلة نايمة
.وكنت آبين لها ((إنه أخيرا إختك نامت وريحتنا من صياحها))
كانت تحس بشعور مريح لما تعرف إني تعبت من الصغنونة
كانت تساعدني في تغيير ملابس الطفلة
وتحممها معاي
وتجهز معاي ملابسها لبعد الإستحمام
كانت تجهز الرضعة معاي وتلبسها الحفاظ
...طبعا معاي
وتأكلها معاي
وكبرت بنوتي الصغيرة ..وصارت إختها تحبها لدرجة إنها تستناها تصحى حتى تلعب معاها
طبعا الغيرة لازم تكون موجودة بين كل الأخوان
...بس الحمد لله بسيطة وبسرعة آقدر آتغلب عليها لأنها عرفت إني مو بس مشغولة عنها بالطفلة الجديدة
الحمد لله إنه الله وفقني إني آعدل بين عيالي...
وسلامتكم
ان شاء الله البنات يستفيدو من تجربتك حبابه
والله يخليهم لك وتفرحي فيهم يارب