فوق القمة

فوق القمة @fok_alkm

عضوة نشيطة

حتى إبهامي تشوه من كثر ماأدق عليك

الأدب النبطي والفصيح

واللي يفقدني حياتي في غيابـك قـد بكيـت
حتى إبهامي تشوّه مـن كثـر مـا أدق عليـك


صار جوالي ورقمك مثل روميو وجولييـت
من كثر ما أدق رقمك صار قلبي يفـز لـك


راود الخافق تساؤل ياللي بعروقـي سريـت
وإستشرت القلب والله قبل ما أبـدا وأسألـك


لا قطعت حبال وصلك ثمّ عن قلبـي سليـت
وش هي روشتّة غيابك لا غديت إشتقت لك ؟


ترتعش كفي وكفي والجـوارح لا رضيـت
دام حبك في عروقي أرتبـك لـك وأجهلـك


ما رويتك من ثلاث سنين والله مـا رويـت
وإن روى بير المحاني بأنتهي عطشـان لـك


من نواقيس الألم لأحظان حزني قـد حييـت
والجفا شوّه ملامح عرش كنـت إبّـه ملـك


لا غدى مسكنك قلبي وبشعوري لـك بنيـت
عـشّ يجمعنـا سويّـة تحتوينـي وأنهلـك


بأصْدقك في الحكي لكن لا تقول إني نسيـت
لأنـك لقلبـي حياتـه مالكـك والمُمتَـلـك


واللي يفقدني عيوني مثل عينك مـا رأيـت
وأشهد إنك قاتلي فـي الحـب وآنـا قاتلـك


حتى هذيك القـلاده اللـي لعيونـي هديـت
تشهد إني في غيابك مـا نسيـت أسترسلـك


بين إبحار الخفوق وبين مرسـاك إحتريـت
أنتظر طوق إشتياقك لأجـل أقـدر أوصلـك


هالني منظر دموعي يوم عن عينـي سهيـت
كـن خدينـي لدمعـي بالعـنـا تستقبـلـك


إلا ع الطاري ياقلبي من كثر ماني حكيـت !
صدّق إني قد نسيتك فـي سواليفـي إلـك ؟


إي ذكرت إني بأقلك ياللي لعيونـك عنيـت
إن لك وحشه بقلبن مـن بعـادك حـن لـك


إسأل أطراف الزوايا يوم أنا فيهـا إرتميـت
إسأل أوقات الغروب وكل وقـت آرنّ لـك


وخطّك الثابـت ياليتـه بإتصالاتـي ياليـت
ينطق بيوم ويقلّـك إنـه مـن رقمـي هلـك


ما أخاف إلا عتابـك إنـت لامنّـك بديـت
تقهر أوجاع الفراق بجرح ثانـي وأجهلـك


م.ن.ق.و.ل
17
1K

يلزم عليك تسجيل الدخول أولًا لكتابة تعليق.

تسجيل دخول

أمها مدلعتها
أمها مدلعتها
لا قطعت حبال وصلك ثمّ عن قلبـي سليـت
وش هي روشتّة غيابك لا غديت إشتقت لك ؟

صدق انك فوق القمه
وش خليتي وش بقيتي
يسلمووووو قلبي


تقبلي مروري
دمتِ لي بود
أمليتو
أمليتو
رووووووووووووووعة ياغالية تسلمين على الموضوع :)
زائرة
يسلمووووووووو
**سلوة الروح**
**سلوة الروح**
بين إبحار الخفوق وبين مرسـاك إحتريـت
أنتظر طوق إشتياقك لأجـل أقـدر أوصلـك

حسك في اختيارك الشعري يجننننننننننننننننننننننننننننن ....
فوق القمة
فوق القمة
ألف شكررررررررررررر
على ردودكن الخياااااااااال




دمتن لي بود