حتى الميت ماسلم منها

مرحبا
عمي الله يرحم روحو بمثل هالايام توفى السنة الماضية
عاش قصة صبر عظيم مع الامراض من يوم مابدا عمرو ٣٠ سنة اكتشفو اصابتو بمرض السكر
بعد ٥ سنين تركتو مرتو وتطلقت وتعايش مع مرضو لحالو وكانت بتعتني فيو عماتي بعدها اكتشفو عندو مشكلة وهي ضعف عضلة القلب ومتلازمة بتسبب الو ضيق تنفس قوي وتعايش الزلمة مع مرضو وماكان يشكي ماكان يشكي ابدا للناس بالعكس لسانو بيلهج بالحمد طول وقتو رغم صحتو المتدمرة وعاش الزلمة حياتو لحد ما اجت نقطة النهاية ببداية ٢٠٢٠ بتمدد مرض السكر وضرب الكبد والكلاوي الله يعافي امة سيدنا محمد ولا يدوقهم طعم المرض والوجع
هون بدأ ينتهي تدريجيا حتى توفى وراح عند رب كريم
هلق رابط القصة هي بنت عمتي تزوجت ولد وانخدعت فيو طلع حشاش سكرجي علاقات مع بنات ورجعت مطلقة
طبعا الشب واهلو مشان يتداركو فضحو البنت بكل سوريا بشرفها وعرضها
اهل ابوها للبنت صعبين شوي ناس ماعندهم تفاهم ابدا ايدهم والسكاكين او المسدسات وخصوصا قصة الشرف والعرض عندهم بيروح فيها قتلى
الولد من ٤ سنين مابيقدر ينزل للبلد ابدا بسبب هدر دمو من ولاد عم البنت
والام والاخوات دايرين حكي علينا وعلى البنت وعلى اهل البنت للوقت هذا

القصة صارت انو عمي انظلم وانحكى عليه حكي من الام لي مابتخاف ربها وانشالله بحضر عزاها وبشوف فيها العجب
الحكي كان عليه قاسي كثير ونوع من الافتراء والقذف الله لايوفقها كل مادارت وجهها وكيف مالفت ماتلاقي الا الشر
الحكي انحكى من شهرين بمجلس نسوان وجابو سيرة الموت ومن ضمنها سيرة عمي
لهلق يوميا بتذكر هالحكي الوسخ ومابقدر اصفح لازم تموت هي الانسانة
الحكي مافي عقل بيتحملو ابدا ورغم هالشي اهلي تمو ساكتين وقالو في الله بياخذ حق العم منها حكت عليه وهو بديار الحق
شي مثل الكذب والله بمسلسلات مابتصير هي مابعرف شو متأملة من اخرتها مالها خايفة من قبرها من ربها
هي الانسانة سبحانك يارب بصحتها وعافيتها رغم افترائاتها وقذفها للبشر وشماتتها
والله النار بقلبي لو بيدي اقطعها تقطيع مابقصر ومابيبرد قلبي فيها على قد ما اذت نفسيتي بهذا الكلام الصعب الله لايوجه الها الخير