العجين بالذات مو بالمقادير انا ممكن اعطيك نفس المقادير حقتي بس ما تضبط معك
المقادير عندك طرق كثيره واغلبها ناجحه
بس اهم شي ان المقادير تكون بدرجة حرارة الغرفه وكثري العجن الى ما تصير ما تلزق بيدك ولا تكون قاسيه لا طريه بس ملمومه على بعض وانا اعرف انها خلاص انعجنت مضبوط امسكها بيديني الثنتين وكأني اقطعها اذا امنطت عىدي معناتها خلاص
واذا تشققت معناتها تحتاج شوي عجن بعد وبعدها ارفعها واضربها برخام المطبخ يمكن عشر مرات بعدها خلاص المها واخليها تخمر اذا مستعجله احمي الفرن شوي واسكره وادخل العجين تتخمر بسرعه تقريباً ثلث ساعه بتلقينها ما شاء الله تفتح النفس لو ضغطتيها باصبعك بتحسين بطراوتها
بعدها شكليها على اللي تبين وحمي الفرن ودخليها ولازم النار تكون وسط لا تكون قوية مررره بتستوي وهي عجين من برا ولا النار هاديه مرره بتقسى وتكون ناشفه حمريها من تحت وبعدها فوق واذا تبينها هشه اكثر بعد ما تشكلينها وهي بالصينيه خليها تخمر ثانيه عشر دقايق غطيها بسماط وخليها
وبعد ما تطلع من الفرن جيبي حافظه وحطي فيه مناديل ( ضروري علشان ماتتبلل ) وحطي الفطاير كلها وبعدها مناديل وغطي الحافظه واتركيها عشر دقايق وبعدها بإذن الله بيكون عندك اروع واهش فطاير

لازم تسخنى الفرن فبلها بفترة والعجينة ما تخليها قاسية كثير ولا لينة كثير
وإن شاء الله تضبط معك المعجنات

شوفي حبيبتي حتى انا عجينة العشر دقايق مازبطت معي ،لكن لقيت هزي المقادير للعجينة بس لازم تجلس تعجنين لربع ساعة
تحي في الخلاط كاسة حليب بودرة ، وكاستين ماء وملعقتين خميرة فورية وملعقة بكنج بودر وفنجان سكر وذرة ملح ونص كاس زيت تخلطينهم بالخلاط ثم تنخلين اربع كاسات دقيق كويتي وتبدئي تعجني شوي شوي وخليك لربع ساعة تعجني وبعطين جيبي اناء ثاني ودهنيه بالزيت وادهني العجينه بزيت بسيط وغطيها الين ترتفع العجينه وبعدين ارجعي اعجيني فيها كمان خمس دقايق وابدئي شكلي الفطاير وخليها بالصينية حتى تشوفيها ترتفع شوي ودخليها الفرن ويكون قبلها شغال الفرن وانتبهي لاتروحي بعيد لانها تستوي سريع .
ووالعجين الي يتبقى اصلحه صامولي يفطروا الاولاد فيها .
جربيها وباذن الله راح تظبط معك

يمكن الخميره قديمه لما تخرب معجناتي أول شي أغير الخميره

خلي الفرن حاااامي جدا علي اعلي حرارة فوق وتحت بعدين دخلي الفطاير من ثلاث الي اربع دقايق ومستويه وقمة الليونه