صباح الخير كيفكن يا صبايا اهلا تنيل كيفك شو اخبارك
هلا بام محمد

عتابا
أوف

وعِنّا الفنّ مش تقليدْ أصلي

عدوِّي اللي كواني بنار أصْليه

أنا فلسطيني من فصْلي وأصلي

ما بنْسَى سهولْ أرضي والهَضابْ



أوف

بلادي منها الغاصب حرمنا

لحتّى شرَّدوا اطفالنا وحريمنا

والصَّخرة إنداستْ وحرقوا حرمْنا

وهذا غير اللي جاؤوا تكميل لحسابْ

أوف.. يا باي

بيُومِ الكرامِة إنْكسَرْ جيش الخصِمْ

وكانتْ خسارِتْهُم ألف بعد الخصم

وربِّ البَريّة والنّبي يبقُوا الخصِم

للِّي سَعُوا ولَلِّي دعوا لحَرْبِنا



كلِّ العيون عيون وانتو عيوننا

أوف

إللُّي بخُونِ أوطانُه خاصمْنا

ومِن هذا الشّعِبْ فعلاً خاصمْنا

وحُبّث الوطن طعمانا وخصمْنا(1)

وعلى درب الفدا اعترفنا الصَّوابْ



يا ميجنا ويا ميجنا ويا ميجنا

زهر البنفسج يا ربيع بلادنا

أوف.. أووف

يا با باي

الشعب قال أنا بفخر بعيدي

ومهما تكون أوطاني بعيدِه

ومين اللِّي لأوطاني بعيدي

غير التّضحية ودمِّ الشباب


يا ميجنا ويا ميجنا ويا ميجنَا



قالوا الشعب قد على مجدُه علا

ومن بعدِ هذا اليُومِ بزوِّد عُلا

ولولا بعزِّ عليِّ وعَ هلفِرْقة وعلى

هالنّاس ما غنِّيت شطرة ميجنا



يا ميجنا ويا ميجنا ويا ميجنا



يا خيِّ فُرقِة (2) الأوطانْ مُرّة

ولهذا قد شربنا كؤوس مُرّة

بحبِّ اشُوفْ بلدي بَسْ مرَّة

تكون محَرَّرة وراحُوا لِغْراب



أوف

يا عِيْدنا يا فخرِ كُل اعيادْنا

وعيد انطلاقة ثورتي ببلادنا

وعيد اللِّي ضحُّوا من أجل إسعادنا

ضدِّ الجُناة ال ساهموا بإبعادنا

بعيد الشعب بنهتف بأنشَادْنا

وإلكُم تهانينا بهذا الإحتفال

ويا ريتْ هذا الحفِلْ جُوَّا بلادنا



أوف

لو كِلّ يومْ بتهدُّوا مخيّم

عُمرِ السِّلِم عَ بلادي ما خيّم

ومهما الظلم يا بيغن ما خيّم

سيُمنحى بفعِلْ أبطالِ العرب



أوف

وثورة شعبنا ركبت حُصُنْها

وبسواعِدِ الفدا تقوَّى حصنْها

وبقلبي وفِكري بحفظْها وبصُونها

وبفديها بدمّات لِعصابْ (3)

(1) خصمه حين أطعمه أي خصَّه بالطعام الجيِّد.

(2) فراق.

(3) بدمي وأعصابي.

هلا بالجميع
كيفكم اليوم
تنيل بالنسبة لشارون احنا دعينا عليه انا وجوزي يضله هيك الى ما شاء الله
وكلامك مزبوط بالنسبه للتدخل وبلاحظ هاي الشغلة اكتر اشي بالاردن لما بروح ازور اهلي
للاسف طبعا بس هون بالامارات الصراحة ما لاحظتها الا عند الناس الي جايين من الاردن او الضفة
ما حدا يفهمني غلط انا ما بحكي الكل هيك بس للاسف معظممهم هيك الا ما ندر
ولا انت شو رايك؟
لفلي هارت شكرا عالاغنية
سلام

انا فلسطينية ايضا ولكنني لن لنسى فلسطين لانها بدمنا وكل يوم نتابع اخبارها المحزنة والمفرحة.............

اهلين سالي
كيفك تنيل ضحكتيني مع اني اليوم طول النهار منكدة
اسمعي شكله الموضوع رح يقلب زي ما قلب الفلسطينيات تعالو نتعرف!
الا عندي سؤال هو الموضوع شو صار فيه؟ليش بطلتو؟
احكي على مهلك تنسل لانه الحروف بتتاكل منك وانت بتكتبي مستعجلة في شغلات ما بفهمها منك
انت وين ساكنه بابو ظبي انا سكنت 3 سنين فيها بشارع خليفة مقابل مستشفى النور ازا بتعرفي هديك المنطقة
باي