سلامتها أمك الله يشفيها إن شاء الله - أنا يا تنيل لسة بستنى والله وربنا يصبرني معاملتي إلها 5 شهور وقالولي بتاخد من 8 - 9 شهور (يارب قبل هيك) والله يصبرني ويعجل بالمعاملة

إلي زمان بحكي فيها من حرقة قلبي والله - صحيح المعاملة إلها 5 شهور بس زوجي إله غايب سنة وشهر

خلليها لربك ............

اهلا يا تنيل

سلامتها الوالدة انا لبنانية الاصل يا تنيل عايشة بين الفلسطينية و ربيت و فلسطين بدمي

انا بفرنسا و ما بحضر حفلات ابدا يا تنيل لا بلبنان و لا بغيره

اهلا يا ني ني كيفك

ربنا يسهل و يجمع شملك بالقريب العاجل طولي بالك ربك بعين

اشتدي ازمة تنفرجي

اهلا وسهلا بالجميع ما بدي اذكر اسامي لحسن انسى حدا
نحكي شوي عن الاعراس
والله احنا الايام هادي اكيد اختلفت عن زمان
الاعراس هلق انقلبت افرنجي
انا مثلا من اللد والوالدة بتقول انه العرس كان يستمر اسبوع واهل العريس يعزمو اهل العريس والعكس والعروس ما بتروح عند اهلها الا بعد اسبوع
وبيجوا هم يباركولها سابع يوم وبيجيبوا معهم النقوط وبعدها هي بتزورهم
وكمان قبل العرس بيروحو جماعة من اهلها نسوان طبعا بياخدو عفشها وبيفرشولها بيتها وبيرتبولها اياه
والعريس بيعملوله حمام واحد من اصحابه او قرايبه بياخده على بيته وبيجيبوا حلاق وبيحلقله وبيحممه(فضايح)
بس احنا ما في عنا حنه وعادة ما بيجوزو برا البلد وازا حصل بيتجمعو ببيت اهل العروس وبيعملو تطبيل وتزمير بس من غير حنه
وازا تزكرت اشي جديد بقولكم
يلا همتكم كل واحدة تقول عن طريقتهم في العرس
سؤال اخير لتنيل: في اكلة غزاويه اكلتها بالكويت كتير طيبه فيها سماق كتير مش متزكرة اسمها ممكن تعطيني طريقتها وشكرا مقدما

الله يخليك يا تنيل

انا بفرنسا مع عائلتي ما عم ادرس و بتمنى اكمل و ما عم اشتغل لاني محجبة و اساسا شغلي صعب اشتغل فيه هون

ما راح قلك اختصاصي لان قليل و نادر جدا بين البنات يعني اللي بيدخلو المنتدى من لي بيعرفوني شخصيا دغري بيوصلولي


اما الاعراس فاللي بعرفه نقلا عن الاهل عن ايام جدودنا انه العرس كان يبقى اسبوع

لكن ما عندي تفاصيل
انا ما بحضر اعراس ابدا

و بعدين اعراس شعبية ما عاد في

نحن خلقنا و عشنا ايام الحرب الاهلية بلبنان و اجا الاحتلال الاسرائيلي و قضيناها مهجرين من

ارضنا الى ان شاء الله و بعدين رجعنا و عشنا رعب الاحتلال

يعني ما كان وقت اعراس و احتفالات

اعراس هذي الايام متل ما بسمع انه في زفة و دفوف و بوفيه مفتوح

جهاز العروس بتجهز متل اي عروس بهالايام

ذهب قال لازم يشنشلها و الا بيتجرسو قدام الناس فاللي قادر بيجيب ذهب و بلاتين و الماس

و اللي مش قادر بيروح على اقرب فو بيجو و بشنشلها و ببيض وجه و ما حدا بيعرف من المحيط بعدين بتصير متل الطرفة سخافات شو بدك تقولي

العجينة اللي بتلزقها العروس بعدها موجودة و يا ويلها اذا ما لزقت
يعني المعلومات اللي قالولي ياها ما بتطلع شي جنب اعراسكم

باختصار يا تنيل الغالب على طابع الاعراس هو المظاهر و الفخفخة و مين عمل احسن من مين

مرحبا يا صبايا كيفكن اوركيدا حكت كل عن العرس.......................
ما في شي زيادة