حتى لا يمر عمرك وانت كل وقتك بالمطبخ

السلام عليكم عزيزاتي
معقوله ما حد رد من امس خبري بنات حواء خبيرات بها الامور
بصراحه ما شجعتوني اني اضيف شي اوافكر بشي ثاني اريد الخبيرات بها الامور يفيدونا عشان نستفيد جميعا وتحياتي للجميع

صادقه حبيبتي الشغالات ماهم مريحات في البيت بس ملنا غنى عنهم
أو كنت أعتقد كذا
انا اللحين جالسه من غير شغاله وأحس وقتي ماشاءالله فيه فايض كثير <<< مدري وين راح بالها
المهم وأحس انو البيت انظف والله أنظف بكثير
كنت أول لما يتوسخ شي كنت أقول يالله خليها اذا خلصت شغلها تسويه لكن اللحين مقدر مافي وحده ورايا تنظف عشان كذا أول بأول أنظف
يالله حبيبتي شكلي طولتها وولدي جالس على راسي يبيي يجلس عالكمبيوتر
عموما مشكوره ياعسل

السلام اختي ام قمرين يا حلوة ماعليك من الشغالة لانة انتي تشوفينهم لما يجون رايحين للمطار كيف الزينة واللبس حتى العباية اللي احنا معودينهم عليها ما يلبسونها من زود الكشخة فانتي لا تعطينها وجة البسي واكشخي في بيتك ترا ها تسوي هذا الشي علشان تنحرجين واللة ان البس اللي في خاطري ولا عمر واحدة تجرت واسلتني لاني انا من النوع الرسمي مع الشغالة لان هذا بيتي ابغاء البس اللي في بالي واللة انا جارتي من الشام لو تشوفين لبسها في بيتها من لبس على الموضة على قولتهاوالاكسسوارات والمكياج واللة اني اجيها تقريبا كل يوم وتكون في قمة اناقتها لين سرت زيها تشوفيني اقوم الساعة تسعة وعلى طول البس واتمكيج واقعد اشرب شاهي او كافي يطير النوم يعني ما يجي زوجي الساعة اربع الا وانا مخلصة لبسي حتى احيان اتفاجا انة يبغانا نروح لاهلة او معارفة فاكون مستعدة يعني يا دوب عطر او شوي مكياج وطلعت هذا من ناحية اللبس اما المطبخ فانادايم اسوي كيكة شوكلاتة واحطها في الفريزر اذا جاني ناس يا دوب احط الكريمة واعتمد على الخضار المجمدة في الطبخ واذا بقي عندي مرق احطة في الفريزر حتى احيان اسوى علية مكرونة سريعة اسفة على الاطالة بس انشاء اللة تكون فيها افادة وللحديث بقية

السلام عليكم جميعا
اختي ام ليان مشكوره عزيزتي على المرور والله يخليلك ولدك ويتربى بعزك ان شاء الله
اختي الغاليه Enternit
مشكورة عزيزتي شجعتيني كثير لان بصراحة الشغاله عاملتلي قلق بعمل بنصيحتك ان شاء الله
مشكورة على المعلومات الحلوه والمفيده
وحبيت اسالك عزيزتي الكيكه اتكون مخلصه ومطبوخه وبشو تغطينها ومشكوره مره ثانيه وما ننحرم منك يا الغاليه
تكملة الموضـــــــــــــــــــــــــــــــــــــــــــــــــــــــــــــــــــوع:
×اللي تحب تضيف الليمون اليابس في الطبخ يمكن بعد ما تفصلينه عن القشر تحطينه في علبه محكمة الاغلاق ويكون بكميه كبيره

×انا اسوي بيتزا قطع صغيره ولما يجي ضيوف احطها في الفرن وتطلع كانها توها مسوينها

×يمكن تسوين شيره بكميه كبيره وتحطينها في برطمان داخل الثلاجه الين الاستخدام

×لما يجيب ابو الشباب دجاج طازج توه مذبوح اغسله واقطعه ارباع واحط كل ربع بكيس عشان لما احتاج لربع بس مثل البيتزا خاصه للعائله الصغيره اطلع ربع ويذوب الثلج بسرعه

×اقوم بسلق الفول والحمص بكميات كبيره وتوزيعه في اكياس واحتفض بيه في الفريزر واطلعه قبل بوقت واستخدمه حسب الحاجه
ولي عوده ان شاء الله اذا عرفت معلومه جديده او اتذكرت شي وسلامتكــــــــــــــــــــــــــــــــم

موضوعك مره مفيد
والحمدلله انامفتكه منهاالشغالات واحس ان عندي وقت فايض كثيرالحمدلله
عموماانتي ماقصرتي ذكرتي اشياءكثيره
وعندي بعض الاضافات
بالنسبه للاكل
ممكن اذاانتي تسوين حلى اللي يحتاج بسكويت مطحون تطحنين مثلا الكميه اللي تحتاجينهايعني مثلاكل علبتين بسكويت شاي تطحنينهم وتحطينهم بكيس وتسوين مجموعه عشان ماياخذمنك وقت متى ماحتجتي
ممكن تسوين الاشياءاللي تطول معك ماتخرب مثل البسكويت والمعمول وتحفظينهم بعلب بلاستيك لوقت الحاجه
حتىعجينةالبيتزاوالفطايروخلية النحل اذاسويتهاازيدالمقداروالباقي من العجينه احطه بالفريزومتى مابغيتهاطلعتهاقبل بوقت كافي عشان تذوب
ممكن كمان تسوين اقراص التوست بالحشوات اللي تبغينهاوتفرزنيهاوبعدين بس اقليها
وبالنسبه لشغل البيت ترىالاجهزه تساعدكثيرفي تقليص الوقت
يعني جيبي لك غساله ونشاف اتوماتيك وارتاحي
كمان غسالةللمواعين
وخلي قسم الرجال نظيف دااائمابحيث انه متىماجاك احدفجاه ماتنحاسين
حتىلوبيجونك حريم وانتي مامداك ترتبين الصاله ممكن تحطينهم بقسم الرجال
هذالللي عندي حالياومتىمافتكرت شيءراح ارجع انشالله

تحيتي