حتى لو ماني حساسة مو من حقي أزعل

حبايبي السلام عليكم ورحمة الله وبركاته
أنا مدرسة بإحدى محافظات المملكة
والحقيقة إني أنا من هذي المحافظة أصلاً بس ما اتربيت فيها ولادرست فيها لما اتزوجت واتخرجت استقريت فيها واتعينت والحمدلله ....
وأنا ولله الحمد ما أمدح نفسي ... متعاونة مع كل المعلمات اللي في هالمدرسة ما أعطي الطالبات وجه اللي بيني وبينهم المنهج فقط
ملتزمة نوعاً ما ونسأل الله الثبات والعودة إلى طريق الصواب ... على درجة لا بأس بها من الثقافة وسعة الإطلاع
والحمدلله ... متمكنة من مادتي التعليمية ونشيطة وأعمل بإخلاص والله يشهد بذلك ثم من هم من حولي ...
المشكلة :
أحس بالرغم من هذا كله لا أجد لي قبول في هذي المدرسة بالذات لأني نقلت منها ورجعت لها مرة ثانية
طبعاً .... من يوم مادخلت لهذي المدرسة والمعلمات طايحين تعليق على قريتي اللي أعيش فيها وأنتسب لها
بس يسبوا فيها ... طبعاً مدة سبع سنين وأنا أسمع من هنا وأطلع من هنا مو كل المعلمات لكن بعض المعلمات الله يهديهن يارب بتجي تسب وبلا سابق إنذار ... وأنا الصراحة أجد إن قريتي هذي بالذات أهون من غيرها ...وغير كذا لما عرفوا المدينة اللي تربيت فيها ... صاروا بعد يسبوها ..
مرة قريتي مرة المدينة اللي جيت منها .. طبعاً الحمدلله ما أحاول أنزل نفسي لها المستوى وأسب مثل مايسبوا يعني والله العظيم ولا مرة أخذت بحق نفسي ... إلا بالعكس صابرة وأضحك معاهم وأقول يمكن على نياتهم ماحد يدري إش في قلوب الناس ... مع إني حسسسسسسسسسسسسسسسسسسسسسسسسساسة بالمرة بس ابلع واكتم عشان ما أخسر الزمالة اللي بيننا ..
إلى أن جاء اليوم وكنت قاعدة أصحح مادتي أصلاً كان لي اسبوع غايبة لأني مريضة .. حتى ماكلفوا أنفسهم يدقوا ويسألوا عني من باب عيادة المريض إلا ثنتين منهم بس ..
المهم نزلت معلمة وقامت تصحح معي ومعانا مجموعة ...طبعاً أنا دايم أصحح معاهم ولا عمري أقعد فاضية أتفرج عليهم أساعد على قد ما أقدر ... فقاموا يتكلموا عن القرى والقرية الفلانية متشددين والقرية الفلانية مطورين بس مافيه سب أبداً قامت وحدة منهم هي اللي دائماً تسب والمشكلة قريتنا جنب قريتهم .... وقامت تسب سب فادح تقول هذول القرية طيبيييييييييين مرة وتضحك تقولها بسخرية مع إني ماقد سمعت أحد يسب الناس الطيبين وتتريق عليهم في زواجاتهم ودقهم ورقصهم ولبسهم ... وتضحك بسخرية ... وتقول إنطوائيين ولا يخرجوا عند بعض ..... وبدو ومتخلفين ومن هالكلام وأنا أقول طيب غريبة أنا عايشة بينهم أحسهم بالعكس ناس حبوبين وسكت وتابعت في تصحيحي ...
قامت ترد على كلامي وتحلف وتقول لا والله ناس غريبين .....
جا اليوم الثاني قامت تسب في المدرسة حقت نفس قريتي وإنهم البنات قليلات حيا ومو متربيات ومن هالكلام عاد أنا إنفجرت وقلت إنتي اشبك متناقضة في كلامك مرة إنطوائيين مرة بناتهم همجيات ... قامت تصارخ في وجهي بطريقة غريبة مع إني ماقلت شي في حقها أبد والله ....
وبس يابنات رحت البيت وأنا متعوبة وبكيييييييييييت ملا راسي .... حسيت بالذل .... كل يوم على هالحال سب في قريتي والمدينة اللي جاية منها وإذا تحسست أو دافعت يعتبروني حساسة ... مع إني ما أزعل اقول رايي بس زي ما يبدون رايهم ..... بس متمسكين برايهم وإنتي اسكتي مالك كلمة ...
وأستغرب ماني مشكلجية وحقت حركات بالعكس على نياتي واتاكل من تحت ارجولي والله العظيم يابنات تعبت مو كل شوي يسبوا أكيد في سبب
أنا قلت يمكن يبغوني أنقل من المدرسة ... يعني الوضع لا يطاق والله مهما كان برود الوحدة لازم تزعل أقلها تنفجر بالبكا زيي بس في البيت ....
والحين أنا معاي حق والا لا
أنا أدري إن العصبية القبلية مو زينة بس ليش بس يسبوا من الأساس.. يدخلوا فيما لايعنيهم ويسبوا ناس ويمدحوا ناس إلا هدفهم إنهم يزعلوا أحد ...
والله غريبة غريييييييييييييييبة ...