حتى وأنا فالغربة ماسلمت من كلام الحريم .. الله يعينك يا أمي

السلام عليكم ورحمة الله وبركاته

والله الموضوع ومافيه إني حابه أفضفض شوي عن اللي فقلبي والله تعبتني الغربة وعشان تدعوا لي وعشان تعرفون أن كلام الناس ما يخلص وين ما كنتي كلامهم بيجرحك يجرحك مافيه مفر

الحمد لله زوجي حصل بعثة السنه الماضية وقلت جات في وقتها لأني تعبت من كلام الحريم :06:

قلت خلاص الحين أرتحت ... لكن كل مره أكلم أمي الله يحفظها أشوفها غاصة بالكلام أتاريهم مايعرفون يسكتون

كل يوم والثاني وحده بنتها حملت وهي توها جايبة ماكملت سنه تقول لأمي يوووووووه المفروض بنتك اللي تحمل مو بنتي :16: والله تمنينا بنتك اللي حامل والا من هالكلام والا خلها تتعالج هناك يقولون عندهم مستشفيات كويسه ... وش دخلكم انتم يعني انا ما ادري عن مستشفياتهم
لا ويتابعون هاه راحت بنتك مستشفى هناك ؟؟ وش قالوا لها ؟؟ يعني أنواع اللقافه :hahaha:

كيف يعني ... وأكثر من وحده من الأهل ومن صاحبات أمي يقولون هالكلام وما تتصورون كلامهم كيف يوجع قلب أمي :icon33:

أنا عارفة أنهم مايقصدون يجرحون أمي ولكن هذا الحال .... وبعدين يعني هذه إرادة رب العالمين

لا وكل مره أكلم أهل زوجي أو أحد من صاحباتي لازم يسألون بشري ومن هالكلام حتى إني كرهت أكلمهم عشان أتجنب السؤال والله إني كرهت أكلمهم :06:

يعني لو حملت ماراح أقول :p العالم كله بيسمع بس خلني أحمل

رب أنت اللذي تقول للشيء كن فيكون ... يارب ما أرجع السعودية الا وفي بطني جنين أدعوا لي الله يرزقكم الذرية الصالحة السليمة البارة التقية عاجلا غير آجل


يارب تقر عين أمي بشوفتي حامل وبشوفة أطفالي يـــــــــــــــــــــــــــــــــــارب وتقر عين كل أم يارب :04: