حثو ازواجكم على امهاتهم..الله المستعان ادخلوا وشوفوا القصص الاليمه

بنات والله انا ماجيت احكيلكم الا بكل صدق قصص صايرة بحدود معارفي اللي اسمع عنهم واشوفهم

بنات والله العظيم وش يضر الوحده لمن تقول لزوجها شفت امك سلمت على امك

هاالام المسكينه عجوز ولا صغيره ماحملت ماولدت ماربت ماتعبت

اللي عندها اطفال مننا اكيد تحس بقوة العاطفه بين الام واطفالها

لمن تبعدين زوجك عن امه وش تستفيدين تستاثرين فيه لنفسك؟؟تراك غلطانه وعلى عينك غمامه

اللي مافيه خير لاهله مافيه خير لبنت الناس..البر سلف ودين صدقوني البر سلف ودين

ادري ان محاضرتي مغبره وقديمة وكلكم عارفينها بس وش الجديد شوفوا هالقصص وربي تقشعر الجلد وتخلي اللي ماتخاف تخاف واللي ماترغب بترغب اكثر واكثر


وحده من معارفي سقطت 7 مرات وماخلت مكان مالفت فيه بالعالم رجلها ميسور ميسورررر الين تقولون بس يعني من الصين شرق الين امريكا غرب
راحوا لاستراليا رجعوا للاردن طاروا لالمانيا من وين رجعوا من مصر
يعني لفت السبع دوخات ماحصلت ضني..تدرون لمن جلست مع نفسها وهي تحكي بندم وش تذكرت؟؟؟

تذكرت انها في يوم كانت مسؤله عن عجوز ام زوجها وزوجها يسافر كثير كانت تنهرها وتصرخ عليها
ولمن يرجع زوجها من السفر تستاثر فيه وتاخذه كله لها((والمتزوجات فاهميني من غير تعمق))الرجال مثل الطفل يدور الحضن الدافي والكلمة الحلوة..الحاصل تطلع هي وياه فندق تطلع باليومين وال3
لاحظوا انه جاي من سفر والام يامسكينه الام ساكنه بقصر فيه من الخدم والحشم بس وين الضنى وين
قامت هالعجوز طلبت تروح مكه سهله بسسسسسسس بيروحها الفلوس مضيقه عليه
لكن كيد الحريم قالت زوجته وليه وعلشان ايه مصاريف زايده هي مريضه وماتتحمل وووو
راح الولد بعد مانشحن220فولت وقال لامه كذا وكذا وكذا

الام تبي سرير جديد وشوله امك عجوز رجل بالدنيا ورجل بالقبر وبعدين ليه سرير غالي وليه وليه
اخر شي سرير ب150 ريال
امك توصخ وتملينا كل شوي نغير فراشها كل شوي انا مليت انا مليت
صاروا يفرشون تحتها سماط بلاستيك:( اه ياللاسف
والله والله اقشر جسمي
العجوز تسلخت وتعبت من البلاستيك..حرمتها القهوةوالشاي لا تتبول
صارت تخليها تاكل من اكلهم

الين جاء اليوم اللي قالت فيه العجوز : الله يحرمك ماحرمتيني
المعنى خفي بس للذكي ظاهر
الحرمه بتهكم قالت فلوسنا ماتاكلها النار انا تاجره واهلي تجار
ماراح اجوع ولا ينقصني اكل
ماعرفت ان مربط الفرس((الضني)) الرجال اللي سحبته وغفلته عن امه


اتعب واقول بروا بوالديكم تبر بكم ابنائكم والله المستعان
الله المستعان
الحين تتمنى تراب رجلين العجوز تتغسل فيهم
تتمنى انه سمحت لوحده من الخدامات تتفرغ لها
ولا حتى زوجها يجيب ممرضه لكن لاااااااااااا النفس امره بالسوء
وشوله مممرضه انا اولى بفلوس الممرضه
وربي يابنات انتبهوا لامهات ازواجكم
حتى لو انتي ماتبينها او بينكم خلاف
اتركيها اهجريها بس لاتقسين قلب ولدها عليها
ماتدرين دعوة الدعوات وين تصيب هل بتكون لك ولا عليك

وشكرا لعى صبركم:26: