حجزوووا لي في اليوم 13 من الدورة لاشعه الصبغه ،هل عادي في هالوقت

السلام عليكم ورحمة الله وبركاته
يمكن بعضكم يعرف ويمكن بعضكم لا
بعد ماتعبنا من المستشفيات الخاصة واستنزفنا المبالغ
قررنا ان نتجهه للمستشفيات الحكومية بسبب ان راح نبتدي نبني لنا بيت العمر باذن الله
المهم
قبل شهرين قال الدكتور لي سوي اشعه الصبغه
قالت لي الدكتورة اللي بتسويها اول يوم من الدورة اتصلي
اتصلت عليها واحجزت لي يوم 11 من الدورة
رحت
وربي كتب ان الجهاز يكون خربان
ورجعونا كلنا اللي كان عندنا موعد وقالوا الشهر الجاي
قلت ماندري وين الخير فية لنا
قلت لزوجي خلنا نسويها في خاص واذا صار ماصار معناها مافي خير نسويها هذا الشهر
رحنا لمستشفى خاص في نفس اليوم اللي رجعت فية من الحكومي
قال الدكتورة ما اقدر اسويها لانك في اليوم 11 ماينفع
احنا نسويها في اذا بنتاخر في اليوم الثامن من الدورة
ماينفع الان
المهم
كنسلناها وانتظرنا للشهر اللي بعده
اتصلت ثالث يوم الدورة
لان اول يوم ماكان فية دوام اللي هو الجمعه
والسبت اتصل من الصباح الى 3 ماحد يرفع
واذا رد السنترال وحولي مايرفعون السماعه قسم الاشعه
وقلت خلاص الان السعه 3 اكيد دواماتهم خلصت بجرب بكرة
جاي يوم الاحد وبعد جهد وتعب ومحاولة ردوووا وسالتني انتي هذا اول يوم
قلت لها لا ثالث يوم
قالت ماينفع ووو
وعلمتها باللي صار
قالت الان فل
مافية مجال زحمة عندنا فية بعد على قائمة الانتظار كم وحده ، انتظري للشهر الجاي
قلت لعلها خيرة
وقلت للشهر الجاي
يوم الثلاثاء اللي طاف هذا تاريخ 8/ 2/ 2011 م
جات الدورة
وحاولت اتصل ماقدرت
والحمد الله امس الاربعاء حاولت ماردوا على الا بعد ساعتين
وزاد الطين بله
اللي رد رجال
قلت في نفسي يمكن هذا مو قسم الاشعه لذلك سالته هذا قسم الاشعه
قال ايوة
قلت له ممكن اكلم اي من الكوادر النسائية في القسم
قال للاسف كلهم في اجازة ،، تبغين تحجزين موعد للاشعه الصبغه
قلت له اية
قال متى اول يوم
قلت له امس
قال المفروض يكون يوم 11من الدورة لكن يوم 11 يصير جمعه لذلك يوم 12
ولكن عندنا فل وزحمة وفية على الانتظار
قلت له مايصير هذا ثالث شهر تنتأجل الاشعه
قال لحظة اسال الدكتور اذا مافية مانع ولا ضرر تسوينها يوم 13
رجعت اتصلت وبعد جهد ردوووا
وقال خلاص يوم 13 من الدورة اللي هو يوم 20 / 2/ 2001 م

سؤالي
بعد كل هالهذرة ( معليش حبيت احطكم بالصورة والفاضي بيسوي قاضي )
متى المفروض اشعه الصبغه تستوي ؟
هل عادي تستوي في مثل هالوقت ولا تاثر ؟
ليش الدكتورة بالخاص قالت ماينفع في ذاك الوقت من الدورة اني اسويها ؟

ربي يجزاكم خير ويرزقكم من حيث لاتحتسبووون
ربي يرزقكم ويرزقني ويبارك لنا يااارب