حجم بنتي صغير احس تعقدت

على فكره عمر بنتي 4شهور واختي 3شهور والثالثه 3 شهور

اول شي لاتفكرين بالموضوع كثير بتتعبين صدقيني

واذا قالوا بنتك نتفه قولي تكبر وتزين

وعطيها حليب اس 26 حلوو للاطفال
وجيبي سيريلاك لعمر 4 شهور واذا سويتي له حليب حطي ملعقه سيريلاك معاه

وجيبي تمره او ثنتين ،حطيهم بكاس ماء مغلي واهرسيهم وخليه لين يبرد واشخليه يعني تصفينه وسوي حليبها فيه مره باليوم لانها صغيره والافضل تسوينه اذا جت تنام

حبيبتي نصيحه اذا بتاخذين كلامهم وبتتحسسين الله يعييييينك بتتعبين

ماعليك من احد ولا تغصبين بنتك عالحليب .. وبعدين تكرهه

اهم شي وزنها يكون طبيعي وبسسسس

شوفي اختي بقول لك شي مو قصدي منه ازعلك بس ابي انبهك .

لما حملتي ببنتك اخذتي حبوب منشطه او عانيتي مع زوجك بضعف او انتظرتي سنين طويلة على ماتحملين بها ؟

ولادتك كانت طبيعية وبنتك طلعت بدون ماتجلس بالحضانه وتزوريها كل يوم وقلبك يتقطع عليها من ورا الزجاج ؟

لما وصلتو البيت بنتك طبيعية وصحتها الحمدلله جيده ماعندها مشاكل صحيه او ضعف مناعة او مرض لاسمح الله تحتاج متابعة بالمستشفى ؟

كلها لا ؟؟ ها ايش تبين تزعلين من كلام مايسمن ولايغني من جوع ؟؟

انا معك كلام الاهل والاقارب وتعليقاتهم تجرح لو سلبيه اكثر من كلام الغريب .. لكن هل بيدك شي تغيريه ؟؟ انتي اخترتي لها لون العيون او الشعر او الطول والعرض ؟

كلامهم اسمعيه وخلي اذن من طين واذن من عجين ,, يعني طننننشي ولاتهتمي بالمقارنات والهبال .

انتي ماترضين احد يقارنك باحد ثاني ,, فلاترضيها لعيالك وتصيري زيهم تقارنين .

استمتعي بأمومتك معها وربيها احسن تربية وحبيها مثل ماهي , اذا قالو احلى مافيها كذا وكذا ويتنقصون منها قولي ايه هي حلوة واحبها زي ماهي ,, عاجبني فيها كل شي وافرحي فيها ولعبيها وهم ان شاء الله بيسكتون .

واخبرك من الآن ماراح يوقفون عن المقارنات ,, بيكبرون اولادكم ويدرسون ويتخرجون ويتزوجون وهم بيضلون على مشوار المقارنات .. ماراح تخلصين وهذا نفس الحال لأغلب الناس للأسف .

عشان كذا ريحي راسك ومادام بنتك بصحه وعافيه فالحمدلله ,, اكيد كل ام تبغى اولادها اجمل واحسن ناس ,, لكن شوفي للي هم دونك وبتعرفين وش كثر ربي من عليك من فضله .

واذا بنتك على صدرك اكثر خليها عليه .. لاتجبريها على صناعي عشان موضوع السمنه وتنتفخ على الفاضي وتملى عين اهلك اللي بطبيعة الناس مايملى عينهم شي .

لو فعلا حجمها غير طبيعي او فيها مشكله تقدري تراجعي بها طبيب اطفال او اطلبي فحص لها وقت التطعيم .. اصلا لو فيها شي بيبلغوك هم بهالشي بأنفسهم .

موفقه .

اهم شي ان بنتك بخير