حجيت وشوفوا وش صار لي

السلام عليكم خواتي بقولكم سالفتي مع زوجي وامه :44:وانتم احكموا
من زمان زوجي مواعدني بيحج فيني وبعد ماتفقنا على الحج هالسنه وشافتنا امي جازمين قالت اجل خواتك واخوك بيحجون معاكم وانا باخذ اطفالك واحطهم بعيوني بس لاتقصرين مع خواتك حجزنا بحمله وبقدرت قادر قالت ام زوجي بحج معاكم طبعا دايم تحج واخر حجه لها قبل العام قال زوجي حياك كنا حاجزين بالطياره وترفض ام زوجي الطياره تبغى الباص طبعا زوجي سحبني من الطياره وصرت معاهم بالباص انواع العذاب والتعب وخواتي بالطياره مع اخوي :44:حجينا وطبعا كنت بخدمتها واسعى على رضاها لدرجة انها تصحيني من النوم وانا مايسمع مني الا ابشري ومن عيوني واذا طلعنا للحرم او اي مكان زوجي ياخذ امه بالعربيه ويمشي بسرعه وانا وراهم ولايسئل عني ولاحتى ابتسامه اويسئلني وش اخبارك لانه عنده اعتقاد اذا الزوج سئل عن زوجته بوجود امه يكون عااااااااق وتشوفونه انواع الاحتقار كل هذا وانا صابره وادعي ان الله لايحرم زوجي الاجر وهو جالس يخدم امه
ويتكلم مع امه ويخططون وانا مو بالاعتبار ابد كاني شغالتهم :icon33:خيلوا كنا طالعين من الساعه12الظهر وانا مفطره الساعه 9 يعني بدري طلعنا للجمرات ومشينا كثيييييييييييير وحنا راجعين الساعه2خالتي بغت الحمام مرينا من عند حمله مو حملتنا واشوف زوجي يكلم البواب ويدخل للحمله هو وامه واختفوامع الزحمه وانا مدري وش السالفه حاولت ادخل بس شكلي غلط بين الرجال واجلس لاحد مااطلعوا ويمشون ولا سئلوا عني:mad:تخيلوا خالتي تبغى الحمام ودخلها وانا ابغى الحمام وماقالي ادخلي اساسا مدري وين راحوا واطلعوا امشي وراهم تخيلوا شكلي جوعانه وتعبانه وابغى الحمام ماكان الوحده مع زوجها لا يوم وصلت الحمله فرحانه ابدخل لقيت الباص ينتظرنا بنروح للحرم طواف الوداع ركب امه الباص وراح ركبت واحس الدنيا تدور بي وكل اللي بالباص دخلو ا الحمله وتغدوا ودخلوا للحمامات ومرتاحين وانا:icon33:تصدقت علي وحده وعطتني فطيره ومانزلنا من الباص الا بعد صلاة العشاء من الظهر للعشاء وحنا بالباص وابغى الحمام يعني علشاني زوجة الولد يصير كل هالظلم ليش دايم زوجة الولد بنظر الناس ظالمه ام زوجي مافي مثلهااذا جلس مع خواتي 10دقايق تتضايق وانا معاها طووووول الوقت ....تخيلواالحمله اموفرين ا غسالات ونشافه اطلبت خالتي اغسل عبايتها واشرطت علي تغسلينها بيدك مو بالغساله ونشفيها بيدك اعصريها زين ماابغى بالنشافه وسخ عقب الناس وكل اللي بالحمله مستغربين اغسل بيدي وفي غسالات مواقف كثيره صارت لي بالحج مع زوجي وامه بس صبرت قلت الدعوه اسبوع فشلتني قدام الحريم وحده اسئلتني انتي ساكنه عندها قلت لا قالت الحمدلله والله رحمتك ووحده تسئل من اللي امربيك شخصية ام زوجك صعبه وماشاءالله تحملتيها مع ان بنات الوقت مايتحملون هالنوعيه من الحريم ......اسمعها تكلم بجوال تقول ياليتك انتي اللي معاي بالحج مدري من تكلم بس والله بكيت :icon33:من القهر تاركه خواتي ومقابلتها واخدمها وهي تتمنى غيري ااااااااااااااااااه يالقهر


بعد مارجعنا للبيت قال زوجي لاحظت شي قلت وشو قال انتي ميته من الغيره والقهر من امي واضح انك تغارين علشاني امدللها وانتي لا انا ساكته عن المواقف اللي صارت بيني وبين امه مابي اخرب اجري وحتى تقصيره بحقي تخيلوا من كثر المشي اجلس شوي بريح وامه تقول ابسرعه نبي نخلص يالله امش هي ماتتعب لانه بعربيه بس ماتفكر بغيرها كل هذا وانا سااااااااااااااااكته بس يوم قال هالكلام غصب عني انفجرت حسبته بيشكرني ع صبري وعلى قل اهتمامه بي اتفاجئ يعايرني اني اغار من امه من غير وعي تكلمت وليتني سكت جلست اسب امه واسبه من غير وعي غصب عني من القهر صارت مشكله وهو مستعد بيسافر قال لااجي للبيت وانتي موجوده دقي على اخوانك ياخذونك انا ماابيك وش رايكم وش اسوي اجلس ابيتي والا اطلع مع اني اعتذرت وذليت نفسي بس مافاد يقول اطلعي ليش الطيب ماله نصيب:icon33:معاليش كلامي ملخبط بس اهم شي تفهمون مشكلتي وام زوجي كذا شديده مع كل حريم اعيالها مو بس انا كل سلفاتي نفس المعانات وعيالها يخافون منها ثنتين من سلفاتي تنازلن عن السفر بسببها الله يهديها يقولن اذا سافرنا معاها ازواجنا يتركوننا مالنا قيمه عندهم هي تامر وتنهى
اجلس ابيتي والا اطلع شورو اعلي