وهذا رد لوحده من الاخوات على الاشياء الضروريه اللي تأخذيها


اشيا ضروريه خذيها معك
مصحف صغير ليحمل داخل حقيبة اليد _سجاده وشرشف صلاه _شرشف وتلبيسة مخده
شال صوف ضروري لان الليل برد والفجر
حذا مريح من البلاستيك لدورة المياه وانتبهوا من النوع القديم الي باأصبع مدري وش تسمونه بس حنا نسميها زنوبه
لانها تزلق في دورة المياه _ بوت او حذا رياضي وهذا الافضل لانه مريح اثنا التنقل والموكوث لساعات في الباص
واثنا الرجم _ فيه البطاطين الي في جيان حلوه رحت لمكه ورجعت مافكيتها بس احطها خلف ظهري في الباص
او انام عليها وهي احتياط يمكن تحتاجينها _ مناديل الجيب _ قلم _ ونوته صغيره
لبان _ مره _ شامبو _صابون جسم غير معطر _ليفه_ معجون اسنان وفرشه والافضل المسواك_ فوطة جسم _وفوطة وجه _مرطب _مزيل العرق
غيرات كافيه من ملابس داخليها وجلابيات مريحه _لاتنسون السروال الطويل مريح مره ويمنع الاحتكاك
شرابات _ملابس للعيد_ معاليق حديد وهي ضروريه تعلقين عباتك ومنشفتك واذا غسلتي ملابسك وهي مبلوله علقيها
شنطه بلاستيك كبيره تحطين فيها ملابسك وادوات النظافه كامله والفوطه وتعلقينها في دورة المياه اذا بغيتي تحممين
طبعا انا فاتتني هالنقطه واستفدت من اكياس البطاطين الي وزعوها علينا الحمله
_عباتين واذا عندك اسلاميه قديمه وديها للخياط يقصرها طولك لاتسحب في الارض عشان محد يوطاها وتطيحين لاسمح الله
_وفيه بعض الاخوات عبايتهم مثل عبايات الاخوات المصريات قطعتين مريحه مره _غطاء وجه اختاري نوع
مريح وينربط مايتحرك عليك ولا ببهذلك اثنين كافي ونقاب ساتر من النوع الي فوقه غطاء صغير
يخليك تشوفين الي تحتك ومحد يشوفك
تلبسينه اذا تحللتي من احرامك واذا رحتي للمرجم وفي طواف الوداع
حقيبة يد جيبي نوعين نوع اول ماتسافرين في الطياره فيه المصحف والمناديل والاشياء الضروريه
وحقيبه كبيره شوي حتى لو تجيبون الاكياس الي بنات المدارس يحطون فيها ادوات الخياطه والمريله
ان شاء الله عرفتوها وتكون من النوع القويه عشان اذا رحتي عرفه تحطين فيها سجادته وشرشف الصلاة
وبطانية جيان ومصحفك وكتاب الادعيه وشاحن الجوال واذا قدرتي تجيبين رادو صغير بالبطاريات عشان تسمعين خطبة عرفه
ومظله واحسها ضروريه عن تجربه لان الشمس حاره في مكه ويمكن تنزلين بعيد عن المخيم فابتحتاجينها

http://forum.hawaaworld.com/showthread.php?t=757292&page=2

وهذا رابط اقروه عن الحملات يمكن تفيدكم

بنات حملة الاتقان كلمتهم يقولون لاول 300 شخص
الجو ب7900 والبر 5900 للي حاب يسجل فيها قلت اقولكم

وقاعده ادور واكلم ويارب يسرها

واي شي بقولكم عليه خاصة اني ادور فئة أ عشان تكون قريبه من الجمرات

تخيلو بس يابنات على هالحماس وبالاخير مااروح والله اني انجلط مثل العام

بس هالسنه غير وان شاءالله تتيسر دعواتكم

بنات الحملات اللي شفت عليها مدح
الاتقان _الاخيار_ الجريسي_ صالح الظفيري

وطبعااسعارها فوق وافضلهم سعر الاتقان

الهاشم يمدحونه مره وسعرها حلو بس عيبها انها فئه د

ومازال البحث مستمر

http://forum.hawaaworld.com/showthread.php?t=1038635&page=7

وهذا

http://forum.hawaaworld.com/showthread.php?t=726517&page=13

هذي روابط تفيدكم عن الحملات

وهذا موضوع وش تأخذي معاك
http://forum.hawaaworld.com/showthread.php?t=1436686&page=7




وابي منكم دعواتكم بتيسر لي الحجه هالسنه