هلا شام موضوعك حلوو ..
انا عن نفسي مثل ماقالوا البنات احس بالوحده وبعدي عن اهلي تاعبني .. احس فعلا بالفراغ وكأن حاجه كبيره ناقصتني مع اني انا بعد ادرس سجلت بمعهد وقاعده اتعلم اللغه الانجليزية الحمدلله .. بس هو مافي وانا ماني فاضيه مثله صرنا احنا الاثنين موب فاضيين لبعضنا .. ببيت واحد لكن مثل الاغراب .. اشتقت لايامي بجده والله .. والله يعديها على خير ويهونها علي وعليكم ان شاءلله ..

أهلا بك يا رانيا ......

مشكلة تدريس العربي مشكلة شائعة جدا والكل يعاني منها

بدها حزم وطولة بال وصبر
بس انتوا راجعين على البلد الله يهنيكم

فخففي عن حالك لان بكرة بدهم يحكوا عربي إجباري وما في خيار تاني

الخوف من اللي عايشين لفترات طويلة وعربتيهم مكسرة ........

الله يهدينا ويصلحنا


أما حكاية الجيران ........ فصحيح لو كانو ا الجيران مناح رح تنبسطي

أما لو كانوا غير ذلك فشو راح يصير ؟؟؟؟؟؟؟؟

وصدقيني قليل بالغربة لتلاقي ناس يطبقوا على عقلك أو تنبسطي معهم

فلا تزعلي كتير

الله المعين

حياك الله

عزيزتي وطن .....

هم اللغة وتعلمها لا تتخلصي منه إل ابالتعلم حقا ....

يعني نجلس ونقول : بدنا نتعلم ولا زم نتعلم ومدري ايش .... وبتلاقينا منتضايق وبضيق صدرنا وما منستفاد شي

روحي سجلي بمعهد اسمه بنتك صغيرة واستفيدي من الوقت وحاولي تختلطي بالناس وتسمعي تلفزيون وتقرئي كتب

وهناك مواضيع كثيرة في المميزة عندنا تساعدك في هذا المجال

بنتك لساها صغيرة لحتى تخافي عليها

لا تشغلي بالك من هلأ واتركي الشأن لرب الشأن

حياك المولى

عزيزتي دمعة حزن

بإذن الله نزغرد كلياتنا لان ما بعد الصبر إلا الفرج بإذن الواحد الاحد

وربي يخليلك الوالدة والوالد وما يحرمك منهم ابدا


سعدت بمشاركتك


عزيزتي احن أم ......

أكبر هم هو تربية الأولاد

صحيح إذا لنتشارك سويا من خلال الملتقى من اجل تربية افضل بمواضيع كثيرة ومفيدة بإذن الله

عزيزتي لوجين

..الحمد لله اول مرة نسمع ما في مشاكل

لأن صحيح بدلك وتعودت عليه ويمكن تلاقي مشاكل كثيرة لا سمح الله لو ذهبت لبلد تاني

فنحن هنا بحاجة إليك ولخبرتك ......... سواء كنت متزوجة أو غير متزوجة .[صراحة لا أعلم

لكن نستفيد من خبرتك بهالبلد ونظرتك له

بانتظار مشاكراتك الدائمة معنا


عزيزتي ويفر

صحيح الشغل ما بيخلص

بس الحمد لله انو الشغل هنا افضل من الشغل ببيوت بلادنا

تخيلي لو عليك تمسحي الأرض من أولها لآخرها كل يوم كل يوم

والله شي بهد الضهر

أما هون فعندنا موكيت مع اني ما بحبه بس اهون بكثير من المسح

الله المعين

اختنا شام ...ياليت لو نفرد موضوووع عن العلاقة الزوجيه في الغربه ...بسوين خير فينا

اهلين اختي شام

ما قلنالك انه مواضيعك مريحة

طيب انا موافقة على اللي قلتيه لكن حدا غيري يحكي عن الزوج و الزوجة

لان انا بخاف ان جيت كحلها قوم اعميها لان هذا الموضوع مسبب لي توتر كبير و ما رح اكتب فيه بتجرد لان بحب اي شي اكتبه بتجرد من شان هيك حبيت كون صادقة مع نفسي و معك

انا في موضوع تاني اله علاقة بموضوعك حبيت استشيرك فيه هو موضوع اللغة يعني مشكلة البنات مع لغة البلد اللي هن فيها فإذا حبيت اسألك على العام ما عندي مانع و إذا حبيت على الخاص كمان ما عندي مانع و انا بانتظار ردك ان شاء الله
تحياتي لك و للاخوات

مرحبا بك غلا الدنيا

لم انتبه لردك .......

بصراحة الله يهنيك وبرافو عليك انك عم تتعلمي

أفضل ما يضيق خلقك بالبيت وما تلاقي قدامك حدا غير زوجك

هيك بتتعلمي وبتتثقفي وبتتويع مداركك وبتعذري زوجك لما بيجي تعبان على البيت

خليك مستمرة وكملي دورات وتعليم طالما الفرصة قدامك

الله يوفقك يا رب ويجمعك بأحبابك

عزيزتي فرش ميلك ......

تكرم عينك بس إذا بدي انا اكتبه بدي كم يوم

لان عندي كم موضوع وبدي خلصهم
ويا ريت لو تبلشي فيه انت اسلوبك رائع ودمك خفيف وعندك حكم منستفاد منها

اوركيديا .......

لا حبيبتي .اكيد بتكحليها وبتلمعيها كمان ..........

ان شاء الله الموضوع نكتبه كلنا

بس ما فهمت شو هو السؤال ...؟؟؟؟
وخدي راحتك الخاص اوالعام ما في فرق

حياك المولى


والحمد لله اني لحقت على الردود كلها .....

طيب الخلاصة الآن سنناقش مشكلات التربية مع الاطفال
وأيضا مع الازواج وأيضا باللغة على حسب ما فهمت من أوركيديا وكل واحدة بموضوع مستقل

نتمنى ان نتعاون كلنا في هذه المواضيع فكل واحدة منا عندها أفكار قد تفيد أخواتها مهما كانت الفكرة بسيطة وعادية

بانتظاركن اخواتي