حدث في مثل هذا اليوم

السلام عليكم ورحمة الله وبركاته
خواتي بنات حواء انا حاطه الامل فيكم وما ظن بتخيبون املي
هذي قصة زميله لي تعبانه ومحتاره من جاره عندهم قصتها قصه جارتهم الله يسلمكم مره كبيره بالسن ودايم تزورهم ويزورونها وتهاديهم ويهادونها ولين اللحين وكل شي تمام ما كو احسن منها نكوتيه وحبوبه وتوسع الصدر لجت بس تعالي اذا صارت عندهم مشكله ولا ازمه هنا تكشر عن انيابها وتجلس لهم على الوحده ترى انتم دايم كذا يوم كذا من تاريخ كذا صار لكم كذا يوم اعرست فلانه صار كذا ويوم سافر ولدك صار كذا ويوم ولدت بنتك صار كذا وكانها تعد برنامج حدث في مثل هذا اليوم وتزيد الهم همين وكأنها ما قد مرت بأزمات مع ان مشاكلها ما تعد ولا تحصى وام زميلتي ساكته ما تقولها شي والبنت خايفه على امها يجها قلب ولا ضغط ولا سكر من كثر ما هي تقرق عليها والله ان امها مسالمه وما عمرها دقتها بسالفه او غيره بس هذا طبع بالعجوز وماله حل واللحين هم عندهم مشكله وتقول والله اني ارتعب لدق جرس الباب ياخوفي انها جاييه تذكر امي بشريط ازماتنا الواحد ما يصدق على الله ينسى وهي تجي تقلب المواجع وكانها عايشه حياتها بهدوء وسلام كن ما بالديره غيرنا يمر بظروف ومشاكل والله احترنا معاها وامي تحبها وتحترمها وما تبينا نقول لها شي
عاد انا قلت بعرض قصتك على حكيمات حواء عيني عليهم بارده دائما الاقي الحل الشافي عندهم ونصائحهم درر لازم الواحد يتسلح فيها وياما لقيت عندهم الدواء الشافي بعد الله من كل عله :26: