حدث لنا في أبها..؟؟

كنا رايحين عمره بداية هالصيفيه..ومنها رحنا لأبها..
ابها غنيه عن التعريف..ماهي محتاجتني امدحها..لا..
انا ابغي اثني على موقف صار لنا هناك ..وتمنيت من كل قلبي ..لو كان هالمشهد منتشر في خليجنا..وعرفت اني ما انلام في حبي للملكه ..وأهلها..بغض النضر عن اقليه لايمتون للمجتمع السعودي بصله..ممن يحاولون تشويه صورته..
والموقف هو,,
كنا نبغي نرجع قطر الفجر..لأن الطريق طويل..وانصدمنا ان السياره عيت تشتغل..المهم راح زوجي كلم صاحب السكن اللي كان في الاستقبال..هو شاب من العسيري..فراح كلم صاحب ورشه (طبعا الورش مصكره ذيك الحزه..الساعه3الفجر..)ما شفنا الا شاب ثاني لابس لبس عمال الورش بس يوم تكلم ..طلع سعودي..وساعدوا زوجي في دفع السياره للورشه ..واطلعت البطاريه مفضيه ولازم تتبدل..وبدلها الميكانيكي..ويوم خلص قال حق زوجي لا ماابغي منك فلوس اعتبرها هديه مني لكم يا هل قطر..بس زوجي رفض بأصرار وقال كفايه انك قمت من نومك علشانا..وهذي قيمه تعبك..والحق ..حق..
انتهى الموقف,,
صراحه مافيه احلى من عيال البلد لخدمه وطنهم ..والله لو كان اللي في الورشه من العماله الاجنبيه كان قعدنا لليوم الثاني..
واسلوب تقدير الضيف ماينبع الا من اهل الدار نفسها مثل ماسوى راعي السكن وصاحبه الميكانيكي..
واتمنى اشوف اليوم اللي ارضنا تكون خاليه من العماله الاجنبيه ..واللي يخدمها هم اولادها..
:26::26::26: