حديثة زواج

• السلام عليكم ..

سأطرح مشكلتي مباشره لأني لا افقه بالمقدمات
انا حديثة الزواج من معدد يفوقني بالعمر 20 عام
استمر شهر العسل 7 ايام بدون سفر بالبيت فقط وخرجات نزهه بالسياره ومنتزه رغم انه كان مأجل الزواج وقايل بأنه بيسفرني وتغير رايه بعد الزواج
وانا ماطلبت منه سفر ولا لي اي شروط لأني تليعت منه وماعدت اعتبر نفسي زوجه اعتبر نفسي جاريه فقط وطابت نفسي من كل شي من بعد ماكنت احبه واشوف الدنيا فيه
العموم ما اظلم الرجال مهو شين نسيت معه بالسبع ايام عيوبه اللي شفتها منه بأيام الملكه لأني بسيطه ومالي طموحات كبيره يعني على قدي
يكلمني بالملكه كل اربع او خمس ايام مره وحده ومكالمه مختصره وكذالك بعد الزواج!
بعد السبع ايام سافر مع زملاءه سياحه خارجيه اسبوعين او اكثر راح شهر العسل لحاله!
بالبدايه تضايقت بعدين قلت جلستي عند امي تسوا الدنيا باللي فيها بس الناس وكلامهم مايتركون احد بحاله
اااااه ياكلام الناس ونظراتهم وشفقتهم
اااااااااااه من حاله اعيشها ياززززين حياة العزوبيه
المشكله اقرب الناس لي يتشمتون فيني تعبت نفسيتي ومحد يعلم باللي داخلي غير الله سبحانه!
متوقعته بيدلعني وبيعوضني حنان ابوي وياللأسف كل احلامي تبخرت كنت ارفض الخطاب خوفاً من اني اطيح بشخص مايستاهلني لكن قدرة الله فوق كل شي
للمعلومه كان رافض الزواج نهائي
مادري ليه اساسً يفكر يعدد وهو مو قد مسؤوليه!
ماتزوجني الا بعد الحاح مني وبكاء وعشت طول فترة الملكه بدموع وهموم اسوء مرحله مرت علي بحياتي هي ايام الملكه وتغيرت 220 درجه انا ماعدت انا تغير حالي تبدلت ضحكتي بحزن فكرت كثير بالأنفصال بس خفت على سمعتي خصوصً أني بمجتمع يدور علي الزله الله يجعلها تكفير ذنوب لي
قدام اهلي هو اطهر رجل يمشي على وجه الارض ما ابين لهم اي شي كل اخطاءه ارميها علي ظهري واطلعه بالزينه قدامهم خوفاً من انهم يكرهونه واكرهه معهم!
حللت شخصيته قبل الزواج متردد وغير ثابت لا مبالي اهم شي سعادته غير قادر على تحمل المسؤوليه! وللأسف تأكدت منها بعد الزواج!
دوري بهالزواج انجبرت عليه ورضيت بقسمتي ونصيبي وحالياً بس اتفرج على احداث حياتي واجمع بقلبي ومالي اي دور فيها يعني تجري بي الاقدار من دون ما اختار يمين يمين يسار يسار ماني عارفه كيف بكمل باقي حياتي كذا!!
هل انا صح او خطأ!!
والمصيبه اشك اني حامل!!
اسدوا لي بأرائكم واقتراحاتكم لعلي اجد منكم من يرشدني لنور الطريق