حديث اخوي لنا بعد رجوعه عن حادثة منى

السلام عليكم ورحمة الله وبركاته
الحمد الله على سلامة ورجوع الحجاج والعسكريين وكل منتدب بالحج على خير
بالعادة ما اشيل هم الحج الا هذا الحج جتني خررعه منه لان امي واخوي الكبير حاجين وخوي الثاني عنده انتداب بالحج
انا حجيت قبل سنتين مافيه زحمه ما اشوف اي بوادر حتى زحمه اقول ياربي وين اللي نشوفهم بالتلفزيون والزحمات ما اشوف شئ برض الواقع
احس اني ما حجيت احس اني اعتمرت من كثر ماهي متيسره الله يتقبلها الحمد الله عشان كذا ماكنت شايله ابد هم
المهم اخوي من الاسعافات الجواله بالطرق يعني مو في مركز ولا مستشفى هو كان تحت جسر منى قدام الحادث الحمد الله ربي ستر عليهم
يقول مكان تواجدنا حوله مخيمات الافارقه كلهم نيجيرين وكينيين وصوماليين ..الخ
يقول ما ادري وش اللي صار كان كل شئ يمشي بسلاسه ومافي اي شي فجاه تزاحمو الحجاج وصارو فيه تدافع ويركضون مخترعين هايجين
يقول من قوة الخرعه وركضهم طاحت احراماتهم وانكشفت عوراتهم الله يرحمنا برحمته وكانو متجهين لنا
بين الشارع فيه شبك خلف الشبك الاسعافات والدكاتره والممرضين يقول نناظر فيهم واهم يحاولون يكسرون الشبك ويدخلون علينا
طبعا بعدها العسكر دخلو بالاسلحه لان الوضع كان مبهم ماندري هم ارهابيين ولا وش وضعهم
سالته قلت فيه ارانيين؟ قال ما اشوف الا افارقه قلت تتوقع الحادثه مدبره ولا انعكاس وتدافع؟ قال ما ادري كل شئ صار فجاه وبسرعه
قال الاصابات واعداد الموتى كان كثيره وبكل مكان ويقول حتى بعض العسكرين انهارو من الوضع الانساني اللي صار هناك
يقول رفعنا الجثث الساعه 5 العصر ماخلصنا منها الا وحده بالليل وقبلها كانو يباشرون الاصابات
الحمد الله رب العالمين والحمد الله على السلامه والحمد الله على القضاء والقدر
كل وحده تذكر موقف وش صار فيها اول ماسمعت الخبر خصوصا اللي لها اهل هناك وقلقت عليهم بقولكم موقفي برد تحت الموضوع
لاني احس طولت عليكم