........حديث الصمت........
حديث الصمت ..احب الصمت وجنونه
وصمت الصمت وسكونه
وهذي فلسفة حبي..وذا قلبي
اخاف اشكي واسبب جرح
واخاف ابكي واكدر فرح
اخاف اشرح ولا اوفي
ويضيع الحب ويضيع الشرح
حروفي قاصرة جدا
وانا قاصر بفن الطرح والالقاء
اجر المبتدأ وانصب وأجر الياء
اعرف الجرح من نظرة واعرف الطب
ولكن علتي التعبير
احس اني صغير بالتعبير والتفسير
والتصوير والتحذير
واحس ان الحروف اقزام
امام الشوق والالهام
واشوف ان الكلام يضيع
مثل هالكون الوسيع
اذا ماشفت محبوبي
بعد عمري
بعد قلبي
بعد شوقي
ترى في الصمت الاف اللغات
تغرد والنظر يسمع
تقول لين الفجر يطلع
بلا تمثيل..وبلا تظليل
تترجم حالة الاحساس
تغني انت اعز الناس
واحب الناس
واغلى الناس
حديث الصمت
يازينه حديث الصمت
بين عيوني وعيونك
وبين فتوني وفتونك
يخلي قلبك الشفقان
بلا صوت يناديني
حديث الصمت
به تعلمت
انا مااقول احبك
قديمة قولة احبك
سخيفة قولة احبك
الحب
انا في مرحلة تفوق الحب
تفوق الوصف والتوصيف
انا حبي تعدى الحد
انا وردة بعز الصيف
ماتت برد.............
اتمنى تعجبكم وترضي ذوقكم الفني
تحياتي
ذويييييييييييييييقة:)
ذوق وحلا @thok_ohla_1
محررة
يلزم عليك تسجيل الدخول أولًا لكتابة تعليق.
الصفحة الأخيرة
انتي ذكرتي هالكلمات : ولكن علتي التعبير
احس اني صغير بالتعبير والتفسير
والتصوير والتحذير
واحس ان الحروف اقزام
امام الشوق والالهام
مثل ماتجرئتي وكتبتي هالكلمات الحلوة الرنانه لنا هنا ويش المانع تتجرئي وتبدي حبك بالنطق بدون صمت وإلا عشانك تفهمي الكل بالنظرات ؟ وتفهمي بعد بلغة العيون ؟
إذا انتي كذى الناس مو مثلك إبدي لحبك بالتعبير ياخطيرة
ههههههههههههههههههههه
روووووووووووووووووووووعه كلماتك إذا انتي كالتبتها وموزونه بعد