حديث للقلب والعقل💔

السلام عليكم ورحمة الله وبركاته

ملخص محاضره للداعيه( فاطمه الجربوع ) حفظها الله
اللهم يافتاح افتح مغاليق قلوبنا لذكرك
ومدنا بعونك،وانفعنا بهذا العلم واجعله حجة لنا لا علينا،،
يقول الله عزوجل (اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُّعْرِضُونَ)🥀
ماسبب الغفلة!؟؟؟؟؟
اللهو😢
يقول الله عزوجل ( مَا يَأْتِيهِم مِّن ذِكْرٍ مِّن رَّبِّهِم مُّحْدَثٍ إِلَّا اسْتَمَعُوهُ وَهُمْ يَلْعَبُونَ)
مامعنا اللعب هنا؟
معناها حركة الاجساد وتنقلاتها بغير فائدة💔
الله عزوجل يخبرنا يقول تروا الحساب قرب
وانتم غافلين😭😭
وش اللي الهانا ؟؟
الدنيا
قال تعالى(الهاكم التكاثر)🥀
كيف اصبح ديدن الحياه ؟
تجيب خمسه سته عشان يكثرون عيالها
تشتري طقم سفره فاخر تتباهى به وتتكاثر قدام ضيوفها
تشتري شنطه ماركه عشان تنافس سلفاتها💔💔💔
صرنا نجمع ونكد ونطلع نوفر المال عشان ايش؟؟؟؟!!!!
عشان نسافر سياحه
نروح مقهى
نشتري ملابس
ووووووو
الحين اش وضع قلوبنا😔😔
اذا جات نهاية الاسبوع
تخطيطي
جمعه
استراحه
حديقه
مول
مقهى
واذا ماحصلت اعتبر طفشااااااانه
ومن البلاء العظيم الدخيل ع امة القران تسمية نهاية الاسبوع (الويكند)
وش وضعنا طوال الاسبوع وقت الدوام ؟
طبخ
مذاكره
شغل
كرف
عيال
واذا لقينا فرصه جلسنا ع الجوال😢
ويوم يجي الخميس والجمعه هجينا وحسينا ان كنا في زنزانه
عبثنا بقلوبنا ولعبنا بها اسوء لعب وعبث
الله عزوجل يقول اذا فرغت فاانصب وتوجه للعبادة
ولكنا صرفنا قلوبنا الى اللهث وراء الدنيا
تكاثرنا بالتصوير
تروحين تدورين ورده ولمبه وكاس مزخرف عشان يقولون الناس انك رايقه وانيقه💔
اشغلتي نفسك واشغلت عباد الله معك
ليش صار وضعنا محزن
ليش كل تفكيرنا دنيا دنيا دنيا
نسكن وين
وش بناكل
وش بنلبس
وش مع زوجي من رصيد
وش
وش
وش.........
لأننا غفلنا عن يوم الحساب😔
وش سبب غفلتنا عن يوم الحساب؟؟؟؟
بسبب ضعف اليقين بوجوده وقرب حلوله
خلي وحده تجي تقول تعالوا نصلح محاضره عن الموت !!!!
شفي كم عدد الحضور
هرووووب من الحقيقه😔💔
اسمي واسمك واسم عيالي واهلي والكل في هذي الدنيا هو
(عابر سبيل )
فقط🥀🥀
الحين لو دق زوجك عليك وقال جهزي بنروح لمكه
وش بتاخذين معك ؟
حقيبه
فيها الخفيف من المتاع
كم روب فقط واشياء خفيفه
ليش
لان عندك علم اليقين ان مكوثك في مكه مجرد ايام معدوده
اذن فلتعلمي اننا كلنا الى الله مسافرين
والدنيا كلها مجرد تجهيز حقيبه🌸
حقيبتك اللي هي عملك بتاخذينها للقبر
وش حطيتي فيها؟
كره
ولاحقد
ولا حجاب مخالف
ولا لبس عاري
ولا صلاه وصيام وصفح وعفو وذكر وقران واستغفار وصدقه ووووووو
كيف اعلم ان اليقين عندي ضعيف بالموت واليوم الاخر؟
بعطيكم مثال وقيسي
بنت انخطبت
وقرروا زواجها بعد شهر بالتمام
وش حالة الاستنفار اللي بتصير
كل يوم في السوق
مره معها امها
ومره اخواتها
ويرسلون لها صديقاتها اماكن العروض
وافضل الخياطات
واجود الماركات
والكل ع قدم وساق
ليش !!!!!!
ليش
لأجل عندهم يقين تام ان زواجها قرب والوقت راح
ولابد من الاستعداد التام💔
طيب لماذا لانحمل نفس اليقين ان اجلك قادم ولابد من حالة استنفار للإستعداد للنزول لقبري ومواجهة يوم الحساب
اللي ماتدري هو بعد يوم اوشهر او سنه
او ساعه
اخواتي
الله يقول
ولتنظر نفس ماقدمت لغد)🌸
بمعنى لابد انك تتخيلين كل يوم ان صحيفتك قدامك مفتوحه
ولابد تملئينها
عندك الإجازة قادمة
وهي بلاء عظيم يبتلي الله فيه عباده لينظر ماذا قدموا لليوم الاخر فيه💐
لو حاسبتي نفسك يوميا يوميا علمتي مدى الخسارة الفادحة اللتي نعيشها
حطي عندك كفتين يوميا
وانظري في كفه كم ينزل من الله اليك من النعم كل يوم
وكفه كم يصعدمنك لله من عمل صالح
اعظم نعمه يجب تتوقفين عندها وماهو مجرد تعددين النعم
لا
وقفي وتأملي وفصفصي كل نعمه
اعظم نعممممممه هي ان جعلك الله مسلمة👍🏻👍🏻🌸
اذا كان لديك استشعار نعمه الاسلام فعلا
فكيف حجابك هل يوافق اسلامك؟؟
كيف لباس بنتك هل يوافق نعمة ان الله جعلك مسلمة؟؟
لاتقولين اني مستشعره نعمة الاسلام ولبسك وقلبك وواقعك مختلف عن الاسلام اختلافا تام❌
تدرين متى تعرفين نعمة الإسلام
عند قبض الملك لروحك😔
نعمة الأمن استشعرتيها !!!
جالسة بين عيالك تضحكين تسولفين
ماتخافين يدخل عليك عدو ينتهك العرض
او قذيفه تسحق البيت ومن فيه😭
طيب مقابل هذي النعم اللي حنا فيها هل شكرت الله عليها بعملي💔💔
طيب انا صليت الظهر والسنه القبليه والبعديه
لكن كيف قلبي وخشوعي مع كل ايه وكلمه في صلاتي
كيف قلبي وقت التسبيح في اذكاري
كيف وكيف وكيف😢😢😢
لابد يكون لك حساب دقيق كل يوم
حسنات -سيئات
المصيبة اننا قد نقع في الكبيرة وحنا ماندري لأننا غافلين عن حساب انفسنا
عندك كبيره عظيمة
وهي مصيبة الكبر
يقول ﷺ لايدخل الجنة من كان في قلبه مثقال ذره من كبر
لاحظوا ذرة واحده تحرمين الجنة🌸
مثال تجين تحسين بقلبك اني انظف من فلانه
أو اكلي احسن من اكلها أو اني متحجبه احسن منها
وتربية عيالي احسن من عيالها
مجرد هذا الاحساس فانتي ع كبيره يلزمك منها التوبة النصوح💔
بالعاميً عندنا انقد فلانه وعلانه لو في قلبي حتى
حاسبي نفسك وانقدي نفسك واصلحي عملك ....
دعي الخلق للخالق
أسأل الله ان يدركنا برحمته ويرزقنا الصدق معه والاستعداد للدار الآخره قبل حلول الأجل🌸🌸🌸🌸