الله يجزاكم خير على المساعده استفدت منها بس ادعولي انجح هالمره
ومره ثانيه اقول شكرا للي ساعدني

مسامحه اختي ..دخلت وما قدرت ارد عليك ..

مساحتها صغيرة لكن على حسب تنسيقك لها ..

اهم شئ في الحديقة توزيع المساحات .. وتحديد الوظيفة من كل مساحه ..

مثلا عندك الممر ممكن تفصلينه عن الحديقة بالحجر وبإنارة وممكن تحطي مثلا قواطع لخشب .. شكلها مثل الشجرة المقطوعه ..

داخل الحديقة ممكن تفصلي الجلسة بسيراميك واتكون مرتفعة ومسقفة بعريش مثلا او الاعمده الخشبية اذا كنتي تحبين تقعدين فيها تقدرين تسقفينها .. بس من الاعلى ..

زرعي ورد داخل اصايص .. ونباتات صغيرة ونوعي في حجمها شئ حديد شئ حجري شئ بحامل .. ونسقيهم على عتبات المدخل .. وفي اصايص تتعلق على الجدار ..

بعد في عندك فكرة عجبتني .. تسوي مثل الحوض اللي يغسلون فيه المواعين بس ارضي .. تقدرين اتسوين مثله بس تملينه رمل ويلعبون فيه اليهال .. وينون قصور الرمل .. بس مو تخلينه في الواجهة لا تخشينه في الممرات ..
عندك في نافورات عجيبة تتسوى .. وبعد قفص للطيور ممكن تجيبي نجار يعمله لك وتصبغينه وتخلي فيه جرات من الفخار واغصان شجر كأنه محمة صغيرة للعصافير والبلابل ..

هذا غير ان ممكن تنوعين في ارتفاع وانخفاض الارضية يعني تسوين مثل التلال ..

وممكن عند المدخل تأخذي غصن شجرة وتوديها لخطاط يخط لك اية الكرسي وتحطيها عند المدخل ..

ممكن تحطي الارجوحة الخشبية اللي مثل الكرسي الكبيرة ..
وهذا غير عن العاب الاطفال .. لازم تخلي لها المساحه الاكبر .. ويفضل ان الحديقة تزرعيها كلها حشيش عشان يسرحو ويمرحو فيها ومنها تكون اوسع .. فقط الجلسة والنافورة وقفص الطيور .. والشجر والزهور تعملي لها احواض واصايص .. منفصلة .. وموزعة على مساحه البيت ومدخله وممراته ..

اتمنى اكون افدتك ..