طبعا كان أملي أشارك في المسابقة لكن على مايبدو إنها فاتتني
حديقتي الصغيرة جدا مساحتها 2,5 في 1,5
بيتنا صغير مساحته 100متر مربع بانينه في حوش اهل زوجي عشان أنا ماأحب الشقق وطاريها ففضلت بيت صغير لكن ملك أحسن من بهذلة الشقق وأنا كثير مبسوطة فيه
المهم المسافة الفاصلة بين بيتنا وبيت خالي ((أبو زوجي )) 3 أمتار فاستغلينا حوالي مترين في عمل حديقة صغيرة
زرعنا فيها أغلب شي ورود وريحان
أولا هذا منظر عام للمزرعة
وهذا من قريب لشجرتي ورد
وهاذي ملكة الليل تفتح أزهارها في الليل وريحته مرة حلوة
في الصيف تذبل شوي لكن في الطقس البارد تستعيد حيويتها
يتبع
وهاذي ماأعرف اسمها لكن ورودها فاتحة طول السنه وتتحمل الحرارة والعطش يعني تناسب بيئتنا الحارة
وهاذي كمان شجرة ورد
ميزتها دايما تكون خضراء بشكل مريح للعين ومايروح التعب في زراعتها
وهذا الريحان لكن دايما يكبر وبعدين يبدأ يذبل ويموت هاذي المرة الثالثة اللي أزرعه ويبدوا راح يواجه نفس المصير