السلام عليكم انا درست كورس فيهاااا وندمت ندم عمري اني درست كليه غير منظمه والاداره تعبانه وكل الناس تشتكي منها يعني انا سجلت شهر 4 على اساس اخلص شهر 5 واخروني لين شهر 7 بحجه انه مافي مدرس وكل البنات اللي داخلين يشتكون انه يخلونهم يسجلون وبعدين يقولون لهم مافي مدرسين والدوره تاجلت ومعاملتهم مش طيبه ابدااااااااا والصفوف مختلطه وفي مش مختلطه الصراااااحه ماانصحج فيهااا ابداااااااااااااااااا:09: غير هذااا نصابين يعني لما تاجلت الدوره بسبببهم قلت بسترجع فلوسي اللي دفعتها وبرووح معهد ثاني قالولي الكليه ماترد الفلوس وحتى الباص دفعت فلوس ثلاث شهور وحاولت استردهاااا وقالوا لي راحت عليج وشي بنات قالوا لي انهم ماخذين دوره اي سي دي ال ومب عارفين يخلصونها صار لهم سنه بسببب اهمال الكليه وتاجيلهاا للامتحانات وعندهم مدير متكبر ومايعطي وجه ابدااااا ومعاملته سيئه على الاخر اونه هو يحل المشاكل ولما تروحين تشتكين مايعطيج وجه وحتى مايرد السلام ناس اخر زمن انا انصحج بمعهد نيوهورايزن رووووعه ومعتمد لانه كليه الحاسوب دوراتها القصيره مش معتمده من وزاره التربيه تصدقين انه كان لي دوره مجانيه ولغيتهاااا لانه لاعت جبدي منهم ومن معاملتهم الزفت يعني تدرسين وتبدين وفجاه يتصلون عليج ويقولون لج الدوره انلغت يعني مب قهر ؟؟ سبحانك اللهم وبحمدك اشهد ان لااله الا انت استغفرك واتوب اليك

واااااااال كل هذا يطلع منهم ...مشكورة @ام عبودي@ على الرد ولإيضاح..بس والله احترت حتى نيوهرايزن ربيعتي ما تمدحهم تقول بس يبونج اسجلين عندهم وتدفعين الفلوس بأي طريقة بعدين ما يهتمون فيج..الله يعينا عليهم.

انا مع الاخت او عبودي كلامها صح 100 % زوجي خذ عندهم دبلوم ادارة اعمال و فعلا كان متأذي منهم لدرجة ان اشتكى عليهم في الوزارة ...

مشكورة أخت Unbreakable على المشاركة بس تعرفون مكان زين الواحد يدرس فيه؟؟