شخباركن بنات ..مبروك عليكم رمضان :42:
بغيت وحد منكم اذا عندها شغاله اندونيسيه تقرا المكتوب فالورقه و اتخبرنا شو كاتبه ..جننتنا هالشغاله :( من اسبوعين قالت لأمي انها ماتبا تشتغل عندنا تبا تروح لمكان ثاني و هيه ماصارلها 3 شهور من اشتغلت عندنا و الله يابنات انها مدلعه اخر دلع مالها الا التنظيف و الغسيل و الباقي الوالده تسويه و بعد تساعدها فالتنظيف و غيره وحتى نحن اذا اشترينا من الدكان اشترينالها وينا ومعتبرينها منا الله يسامحها ..حاولنا نقنعها انها اتم لين يخلص رمضان عالاقل و بنسفرها و اقتنعت و من اربع ايام قامت تتصرف تصرفات غريبه ماقامت تشتغل وتتصرف كأنها مجنونه و حتى شغالات عمي خافن منها و قاللنا انها من 3 ايام لا نامت ولا اكلت و لا صلت .. وداها الوالد المكتب و تخيلو شو قالت لهم اونه فبيتهم اولاد و انا ابا رجال :09: ابوي يوم سمع كلامها انصدم و خواني صغار و اكبر واحد 17 سنه و الله ان خفنا عليهم و ماكان ابوي يبي يرجعها البيت بس المكتب ما رضى يخليها ورجعها و حاول يدورلها حجز علشان تسافر و مالقى .. و مره كانت الوالده رايحه المطبخ الظهر و لقتها جالسه فالمطبخ و فأيدها مقص وطنشتها و راحت صوب المجلس و لحقتها عاد امي خافت منها فقالتها شو تبين المقص عطيني اياه بالاول مارضت و بعدين قالتلها امي هاتيه هذا خربان بشتريلج واحد جديد و خذته و راحت دست كل السكاكين و المقصات و قفلت المطبخ عنها ، خافت لاتسوي فعمرها شي او فينا وكذا مره خلال هالثلاث ايام جابوها عمومتي من بيوتهم الساعه 12 بليل ما ادري شو تسوي .. عشنا فرعب منها ، اول مره تجينا شغاله تخوفنا بهالطريقه .. الصراحه يوم عرفت انها 3 ايام لا نامت ولا اكلت ولا صلت قلت هذي تسوي طقس من طقوس السحر .. الحمدلله فتشناها و مالقينا عندها شي غير ورقه مكتوب فيها بسم الله و بعدين بالاندونيسي و الثانيه رساله بس شوي طويله ما رمت احطها لكن
بليز اي وحده عندها شغاله اندونيسيه تجيبها تقرا الورقه دقايق و اتقول شو كاتبه و ان شاءلله مايكون فالورقه الا كل خير
و هذي الورقه
حمليها من جديد ونزليها وباذن الله بنساعدك