حد يشجعني في الريجيم ؟

]السلام عليكم ورحمة الله وبركاته
"]ازيكم يا بنات

وأنا بدور في المنتديات لقت ريجيم مها راداميس وافتكرت الدكتورة دي لاني كنت رحت لها قبل كده

متهيأ لي انا رحت عند دكاترة مصر بتوع الريجيم كلهم وكل مره بخس بس بعد كده بزهق واتغر اني خسيت واروح راجعه تاني

بس المره دي خلاص لازم اعمل ريجيم ولازم اخس والحمد لله نويت وهبدأ يوم الأحد الجاي عشان اكون خلصت الريجيم اللي أنا فيه

ونفسي يبقى معايا حد يشجعني لو حد عايز يشجعني ونعمل ريجيم مع بعض ونكتب لبعض كلنا ايه كل يوم اهلا وسهلا

لو ماحدش عايز هحط لكم الريجيم تستفيدوا برضه

الريجيم

بسم الله الرحمن الرحيم

اليوم الأول والثاني :

الإفطار: - 3 قطع لانشون + جبنة قريش+ جبن موتزريلا أي نوع ملو فنجان صغير

الغدا:- خضار + كوب أرز مسلوق
سناك تفاحه
العشا: سلطة + كوب مكرونة مسلوقه
سناك خيار

اليوم الثالث والرابع

الإفطار: 2 بيضة مسلوقة + 1 شريحة شيدر
الغدا: تونه وسلطه
سناك: خيار
العشا : خضار + كوب رز مسلوق
سناك: برتقالة

اليوم الخامس والسادس

الإفطار: فول بدون زيت 4 ملاعق وسلطه
الغدا: خضار + كوب رز مسلوق
سناك تفاحة
العشا : 4 ثمرات فاكهة
سناك خيار

اليوم السابع فري بس حاولي تاخدي وجبة الغدا بس تكون فري والفطار حاجه خفيفة والعشا كمان عشان ما تضيعيش اللي عملتيه في الاسبوع وعشان كمان بطنك تاخد ع الاكل البسيط وما تتعبيش بعد كده في الريجيم

الماء: من لتر ونص الى لترين
النسكايه او الشاي او القهوة بسكر بديل واللبن خالي الدسم

انا لما كنت متابعه معاها خسيت حوالي 3 كيلو اول اسبوع وما عملتش رياضه بس طبعا احنا نعمل رياضه حتى لو خفيفة ممكن النتيجة تبقى احسن

ملحوظه: كوب الارزالمسلوق بتقسيه قبل ما تسلقيه
والمكرونه كمان
بمعنى مش بعد ما تسلقي الارز تاخد منه كوبايه لا تقيسي قبل السلق

يارب اكون افدتكم

لو الموضوع متكرر انا اسفه طبعا
ربنا يساعدنا ويقدرنا نخس بصحه وعافيه وأدعوا لي بالذرية الصالحه