حذاري من الغيرة والحرام.

السلام عليكم ورحمة الله وبركاته

اخواتي العزيزات
الله يشهد على اني ماكتبت هالموضوع الا لغرض وااحد وهو التنبيه للجميع لاني ماحب ولا اتمنى ابد اي وحده مننا تاخذها الغيره وتفضل غضب الله تعالى....
في اولويات لكل شئ والله سبحانه وتعالى فوق كل شئ..له الحمد وله الشكر على كل مايصيبنا فهو مولانا وهو العالم بما ينفعنا سبحانه تعالى...

اخواتي بحكي لكن قصة حصلت وتأثرت منها بشكل كبير حتى اني صرت اخاف على اي احد يقترب من هالحرمه بسبب ماقامت به من معصية وهي
زوجها تزوج عليها وذلك لاسباب بين لها الزوج السلبيات ومالايعجبه فيها يعني الاشياء اللي تقدر اي وحده فينا تغيرها لكن اهي استهانت بالموضوع وفضلت عدم راحته مع ان الله العالم والكل يشهد انه مول موب مقصر معاها في شئ بالعكس يؤدي واجبه على كثر مايقدر مابغى منها غير الاهتمام والحب والحنان وهي الله يهديها من النوع اللي اشوي جافي الله يصلح حالها انشالله وحال المؤمنات والمؤمنيين
المهم بعدين تزوج عليها ومانقص عليها شئ بالعكس اهتم بيها اكثر من زوجته الثانية والزوجه الثانية راضيه لانها تدري ان الوضع الجديد صعب اشوي ولازم كل شئ بالتدرج فتنازلت عن حقوق كثير لها وانجرحت بعد من عده اوضاع ماعجبتها وكمان من الزوجه الاولى وطنشت علشان مايستوي زعل بين الزوجه الاولى والزوج ...

يوم تزوج الزوج كانت زوجته في بداية حملها ولما صارت في الشهر الرابع سقطت..
الكل فكر انه من الله لكن بعد كذا الكل درى عدا الزوج طبعا حتى زوجته الثانية درت بس سكتت انها كانت تشرب اعشاب تنزل الطفل ونزلته....

والمشكله ان الزوجه الاولى اهي اللي قالت بنفسها للحريم ولامه ولاخواته انها اهي اللي نزلته بشرب الاعشاب ماتبي عيال منه..

اللي صار بعد فترة حملت ولكن ماثبت الحمل وصار الحمل خارج الرحم لدرجه انهم سوو لها عملية قيصرية لانها كانت بتروح فيها ...

سبحان الله ناس يبون الحمل وناس يحرمون نفسهم من الحمل على اشياء ماتسوى والله ان الله يمهل ولا يهمل...

اخواتي حذاري من الغيرة الزايدة عن الحد حذاري....غاروا على كيفكم لكن حدود الله لاتقربوها :(
طولت عليكم اخواتي بس حبيت انصحكم والله يبعد عننا الغيره الشيطانية والافكار الجنونية والحرام..
تحياتي للجميع
سراب العين