ليش زعلتو الاخت حطت تجربتها وحالات الاطفال تختلف حبت تنبهكم وعني صراحه اعرف ناس راحو لها ولا اسنفادو وربكم الشافي
لكن انا اذهلني حجم الدعايه لها والمفروض وحده تعالج من فتره طويله ويجونها ناس بالهبل يكون مكانها نظيف ومرتب وبعدين كانت ب50 وذحين 100
بعدين تعالج جميع الحالات والاعمار بنفس الطريقه ياتصيب ياتخيبل
وفي الاخر كل انسان له قناعات واختلاف الراي لايفسد للود قضيه

انا صرفت نظر عنها بعد ماقريت انها بنت عماره !!!! حسيت اني بكون غبيه لو رحت معليش على الكلمه بس قريت تجارب ناس وتاكدت ان اللي سمعته عنها كان دعايه

إيش القصة

وش المشكله اذا بنت عماره حرام تتكسب زي غيرها بنات انا ولد اخو زوجي يراجع عندها وتحسن كثير عنده فرط حركه وتشتت انتباه شديد وانا ناويه اروح لها بعد ما استخير ولدي عنده فرط حركه والشافي الله وهي مجرد سبب

سويت بحث وطلع لي هذا في صحيفة عاجل
http://www.burnews.com/articles-action-show-id-5250.htm

اناشد صحيفة عاجل ان تهتم بهذا الموضوع وهو الطب الشعبي الذي انتشر بشكل ملحوظ بدون اي رقابه وانا اتكلم عن تجربتي مع هذ الطب رزقت بمولود من ذوي الاحتياجات الخاصه وبدات اراجع به المستشفى عند برفسور واستشاري واخصائي وكاهم كتبوا له علاج طبيعي وبدات بالجلسات لاحظت تغير بسيط من ثالث جلسه وكنت متعلقه في الله اولا ثم اي مكان اجد له علاج فيه ذكر لي طبيبة شعبيه في بيشه انها تعالج جميع الامراض (شلل-عمى -عصب السمع-الغده -الصداع )وغيرها من الامراض طبعا انا بدات اسئل عنها واستفسر اكثر وجدت كلام كثير عنها وان بدايتها مع طفل من القصيم مصاب بشلل ومن ثاني جلسه تعافى ومشى طبعا هذي دعايه لها قويه وانتشر لها سمعه قويه وانها تعالج امراء وان عندها ترخيص من وزارة الصحه قررت انا وزوجي الذهاب بابني لها وانا في الرياض اخذ زوجي اجازه شهر وذهبنا لهاقريتها تبعد عن بيشه 50 كيلو على طريق الحجاز في قرية تباله تفاجئت بما راَيت بيت عادي جدا السيارات كانت زحمه بشكل غير طبيعي ودخلت حاطه ستاره قماش على باب الحوش دخلت منظر زحمة نساء واطفال تحت هنقر صغيير جدا يتظللون تحته من الحر وحوش الغنم بجنبنا وهي تعالج في صندقه صغيره وبيتها مقابلنا في نفس الحوش سئلت كيف طريقة الدخول لها قالوا سجلي رقم عند فلانه متطوعه من النساء تحط ارقام ويدخلون واذا جاء رقمها رمت الدفتر وقالت بكيفكم وسجلت طلع رقم 85 من شدة الزحمه قالت طلعت وقالت الاطفال دخلوا 3 علي طبعا الساعه 7 صباحا ولا دخلت الا 11 مجرد مادخلت فتحت فم بنتي وقالت عنده عظم في نحره ولازم ادفعه وليش ماجبتيه لي من زمان قلت مادري عنك الاقريب قالت يالله ادفعي قلت كم قالت 50 كل طفل 100كل حرمه يعني تخيلوا كم دخلها في اليوم انا رقمي 85 مع طفلين غير ولدي ماهم الواحد وفيه نتيجه صح طبعا دفعت العظم اللي تقول تفاجئت يطلع دم من فمه والطفلين اللي معه مادري ايش السبب قالت تعالي بكره لازم طبعا دخلت عليها في دقيقه وتدعي اللي بعدنا من 7 وانا انتظر وفبي الاخير في دقيقه ماسوت لها اي شي غير دفع العظم اللي تقول جيت اليوم الثاني نفس الوقت كان رقمي 98 اي والله ان هذا اللي حاصل ما ابالغ بكلمه واحده انتظرت في الحر الى 12 ظهر ونفس الكلام دفعت العظم والله مادري هو عظم والا كذب بس ولدي يصيح وقالت ادفعي 50 ودفعت وقالت تعالي بكره وجيتها لليوم الثالث مع اني مقتنعه كل القناعه بكذبها علينا بس ابي اشوف ايش النهايه وعشان زوجي كنا مستاجرين في بيشه نفس الكلام دفعت العظم اللي تقول وقالت ادفعي 50 وتعاليني الاسبوع الجاي 3 ايام قلت لمدة قالت على حسب الحاله يمكن شهر او اثر بس ولدك يبغى له 3شهور كيف حكمت الله اعلم طبعا كان في حرمه في الحوش تقرب لها وكانت تسوي لها دعايه وكل يوم اجي تقولي خبر وتقول مره انا اختها ومره انا بنت عمها ومره مرة خوها وكان معها عشه تبيع فيها وتستغل الاطفال باسعار خياليه خبيزه لها بنت ممرضه في مستشفى تباله العام وقالت لي الحرمه هذي ان خبيزه سوت لها عماره دورين وخلاص باقي الفرش طبعا على حسابنا طبعا رجعت لبيتي ولمراجعات بنتي بلا كذب ودجل يعني البرفسور اللي طلعت عينه من الدراسه والى اللحين يدرس هي افضل منه لا وتقول وقفي علاج الكهرباء واستمري معي وهذا العلاج خطير اللي هو الدباكين عطيته ولدي على جرعات واوقفه بعد تخطيط بعد سنه على جلرعات ليش تدخل في هذي الاشياء يعني تظر الناس ماتنفعهم من المسؤول واين الرقابه

اتمنى ان المسؤوليين ينتبهون لهذي القضيه ويحققون مع هذي المراه وكفايه كذب على الناس حسبت حساب بسيط لدخلها3ايام اللي جيتها مايقل عن 100000يوميا .حسبي الله ونعم الوكيل