بنات امريكا الضرايب 3 بالميه عندكم صحيح حسب الولايه لكن مو مثل كندا 13 بالميه
عيشو بكندا وشوفوو الغلا والضرايب
بالنسبة للمويه اذا عندكم سياره استفيدو من العروض احيانا اخذ شده فيها 12 علبة مويه بدولار من السوبر ماركت
واخليهم بالسياره للحاجه
البيت اشتريت صفاي واشرب المويه من الصنبور
الشوكولاته والكندي بالهلوين والكريسمس مابقي شي بنفسي اشتري لين اشبع واخلي بوكس بالبيت
في محل اسمه دولاراما (مثل ابوريالين) اكيد عندكم اشتري اغراضك منه للمطبخ والبيت وشباصات والعاب لاطفالكم
بنتي لاصرت باكافئها اوديها هناك
المطاعم لاتروحو الا بالاسبوعين او بالشهر مرة كتغيير وبالبيت خفايف وصينية مكرونة او رز هي اصلا وجبة وحده
بدل ماتروحي كل يوم كوفي انتي وزميلاتك اشتري لك كفي ميكر وسوي لك ببيتك واملي الكوب واطلعي
ااتمشي معاهم وقت الغدا تكوني بالمعهد خذي لك ساندوتش ولاتتغدي من مطعم او اذا بيتك قريب روحي سوي لك غدا
يوميآآ يوميآآ لارحت اجيب بنتي من المدرسه كل بنات المعهد اللي جنبي يتغدو بالمطعم وهذا يرهق الميزانيه
وتصدقو ربي يبارك برزقكم ولايحسو اطفالكم انكم موقادرين في يوم ماتلبو طلبهم أجلوها باي عذر هالشي يأثر ع نفسيتك فمابالك بالطفل

الله يرزقكم من واسع فضله ومن غير لاتحتسبو ويسهل اموركم
ويوفقنا واياكم

احسن شي في ابغربه يعلمنا نطالع بالاسعار قبل لانشتري ,,

>> الله يرحم ايام السسعودية وكنا نقول غلاء ..:(

الحمد لله مانشتري الا أساسيات الامور ومرتاحين

وواعدين نفسنا لما ننزل مسقط رؤوسنا نعوض كل شيء حرمنا انفسنا منه ..:)


الله يزيدنا ويزيدكم من خيره ورزقه يَ رب ,,

المعيشة نار ماقلنا شي لكن انك توصل لحد التسخط هذا كفر بالنعمه
احمدو ربكم شخليتو لأهل العراق سوريا والصومال
اي نعم المكافئة ممكن ماتغطي الكماليات بس على الاقل تكفي احتياجاته

1842 للمبتعث
977 للمرافق
270 لكل طفل

يعني المجموع = 3089
بالريال = 11583

يعني ولله الحمد نعمه ومعقوله

لكن بعض الناس الله يهدينا وياهم يفكر ان الابتعاث لعب طلعات وسهر وتمشي وسفر ومطاعم
لا الله يرضى عليكم عيشتكم بالغربة تختلف تماما عن بلدكم
وعلى قولة اللي فوق تقول بالسعودية ماناضر الفاتورة
يعني معناته عايشين برفاهية

مع الاسف حنا شعب تعودنا على عيشة البذخ وحطو تحت بذخ عشرين خط
لانه ممكن يكون الواحد فقير وعلى باب الله وتلقين معاه جوال وسيارة اخر موديل ومافي جيبه ولا اللي يعيشه لنص الشهر ومبهذل بعمره بديون واقصاد بس عشان يواكب المجتمع

وفي بلد الابتعاث كثير منهم مستحيل يستخدم المواصلات العامة
جواله اخر اصدار وشاحنه برصيد ونت على الفل
اللبس اكشخ شي
اغلب اكله من المطاعم الا من رحم الله لكن المطعم ضروره ملحة لأغلبنا
مايقصر على نفسه بالترفيه كل اجازة لازم يسافر
بالبيت النت والقنوات والاثاث والحواسيب وووو
الاكل والمشتريات الغذائية ماناقص عليه شي والاهل دايم يرسلون له من كل خير
والمصيبة انهم مختارين اغلى المدن من ناحية الغلاء فتلقين اغلب السعوديين ساكنين بوسطن نيويورك فرجينيا ساندييقو لوس انجلس سان فرانسيسكو سياتل شيكاقو...والامريكان نفسهم بدو يهربون من هالمدن

طيب سؤال انتم شفتو عيشة غيركم..؟؟
وليش اضرب لكم مثال من بعيد
في السعودية اسر على باب الله والبيت فيه كم نفس والاب يشتغل سكيورتي ولا مراسل وراتبه مايوصل 2000 ريال
ولا تأمين ولا هم يحزنون يعني لو واحد من عياله يمرض لاقدر الله راح فيها

مثال ثاني
الامريكان نفسهم منموذج قدام عيونكم للشعب اللي كلن يظن انه افضل شعب من ناحية الدخل والمعيشة
انتم شفتو لبسهم..؟ وربي تشكين انه من عام الثمانينات والتسعينات
اغلبهم جوالاتهم قديمة لان الجوال عندهم فقط للحاجة
المدرسة بالجامعه لمن سألوها الطلاب عن القنوات قالت اصلا ماعندي تلفزيون لانه ماهو ضروري وهي مدرسة بالجامعه؟؟
موظفة السكن اللي حنا فيه وربي من سكنا ماشفت عليها لبستين ماغير تكررهم كل يوم ومكروفين كرف من كثر ماتغسلهم
السكن اللي حنا فيه اغلبه طلاب كل اربعه ساكنين مع بعض عشان يوفرون ولما يطلعون بسياره وحده عشان يوفرون البنزين
اغلب الشعب الامريكي يستخدم كوبونات التخفيضات وعادي مايهمهم اهم شي انه يوفر له مبلغ هو بحاجته
وحتى الاغنياء واللي عندهم وظائف مرموقه الحكومة تاخذ عليهم تاكس
فيه محامي عربي يحلف ان نص دخله يروح للحكومة ورواتب موظفين
يعني لو هو فقير اهون لاياخذون عليه تاكس ويعطى فود ستامب وينام ببيتهم

لو فكرنا شوي بالوضع العام بنلقى اننا افضل من غيرنا بكثير
لكن حنا مع الاسف تعودنا على اننا ننفق بدون مانطالع الفاتورة او نحسب المصاريف
وجينا هينا ونبغى نعيش على نفس النمط
طيب بس فكري للحظة هالنعمة اللي انتي فيها مو محتاجه شكر
مو حنا احسن من غيرنا
ناكل احسن اكل
ساكنيين بأحسن مسكن
سيارة توديك وتجيبك
لبسنا يالله لك الحمد مرتب ووش زينة ناهيك عن اللي ماتلبس الا ماركه
جوالك اخر موديل
طلعات وجيات وعزايم ويارب لك الحمد
الله لايجعلنا نتمنى اللقمة ومانلقاه



الغلط ماهو بالمصروف
الغلط بنمط معيشتنا
عدلو وضعكم..وخلكم صريحين مع انفسكم هل كل اللي اشترية احتاجه او اني فقط مابي شي ينقصني
حددوا اولوياتكم وسجلو كل شارده ووارده وبتعرفون كيف توفرون

الله سبحانه وتعالى يقول ولأن شكرتم لازيدنكم
اشكروا الله على كل نعمة عطاك اياه وحرمه عن غيرك
اشكرو الله على نعمة الصحة والعافية
وربي لو يصيبك الم بسيط ان تزهدين بالدنيا واللي فيها
لا تبطرون معيشتكم
ولا تأمنون مكر الله وتتسخطون والله رزقكم وانعم عليكم بنعم لاتعد ولا تحصى

فقط احمدوا ربكم على ما انتم فيه

بس !!!!!!!!!!!

لو هنا ياله تكفيكم وشلون في امريكا !!!
مو السكن يبي ، والعلاج ، والأكل ن والأطفال بمتطلباتهم ، غير الدراسة والمواصلات !
غير الضرايب على قولتكم !!

طيب السكن هنا غالي وشلون عندكم !