حرام ساعدووووووووه(كيف يخطب من احب )

يا اخربيت الحب ما كنت اعرف انه صدق يذل :23:
اصبرو علي بقولكم السالفه .. بس اتمنى تلقوله حل لاني وابصراحه ما لقيتله حل مقنع
هو شاب عايش وحيد بعيد عن اهله بسبب خلافات صارت عندهم من سنين وكان سنده الوحيد عمته .. حاول يراضي اهله بس لا حياه لمن تنادي .. واذا امه وابوه بدا قلبهم يلين عليه يدخل اخوه الكبير بحيث انه يبعده .. حتى مره من المرات كان الريال رايح يسلم على امه وابوه للعلم هو يعيش في منطقه ثانيه يعني يحتاج الى ساعتين لين ما يوصل لاهله المهم يوم وصل وكان يريد يدخل عليهم انتبه الاخو الكبير ع وجوده ودقله تلفون وتم يستهزء فيه ويعامله مثل الغريب وقاله قبل لتدخل مره ثانيه اتصلي فيني واستاذن .. تتخيلوووون لين وين وصل التعامل بين الاخوان :06:
المهم انه بعد عن اهله وكان يعيش بروحه لمدة اكثر من 5 اسنين .. وهم ما ايعرفون عنه اي شي .. ومن حوالي سنه توفت عمته يعني ماصار عنده اي حد او اي سند
المهم السالفه تبدا من هني
هو حب بنت وسوا المستحيل انه يوصللها وايبينلهم انه يحبها .. المهم بعد سنتين من المحاولات الفاشله نجح في السنه الثالثه ووصللها حبه لها .. وهو محتار كيف يخطبها لانه ما عنده اهل علشان يخطبوله .. وعمته اللي كانت بتخطبله البنت توفت .. المهم البنت من 3 اشهور انخطبت لولد عمها .. والله لا يراويكم شو صار فيه :44: والله ما راد وصارت خلافات وانفسخة خطبت البنت وماكانت من نصيب ولد عمها .. فرجعله الامل مره ثانيه ومن بعد ماكان يصفي كل ممتلكاته من البلاد علشان يعيش في الخارج فجأه وصله الخبر انه البنت ماصارلها نصيب ويا ولد عمها .. فنسى كل اشغاله ورد يدور طريقه عسب يخطبها بس ما لقى .. قولوله شو يسوي .؟؟؟؟؟؟؟؟؟؟؟؟؟ كيف يقدر يتقدملها وهو بروحه من غير اهله؟؟؟؟.