حرام عليهم والله ابي اغير اسمي

السلام عليكم ورحمة الله وبركاته

والله من الضيقه الي في صدري ودي افضفضلكم لاني اب انفجر

باادخل بالموضوع

انا اسمي قديم وهالاسم والله كرهته من طفولتي احسه ماهوب لايق علي واستحي اقوله لاحد واكره يوم احد يسألني عنه
ودايم الي ماتعرفني وتسالني عن اسمي دايم اكذب واقول اسم مستعار اسال الله انه يغفرلي لاكن ما اقدر اقوله

وحاولت في ابوي الله يطول في عمره وما قصر وراح احوال الطايف وهنا التحطيم كله والله المسؤول مارضى حتى ياخذ الاوراق من ابوي " تخيلوا انه يقول لابوي وش تبي تغير لها " ويشرحله ابوي لاكن لاحياة لمن تنادي كان ودي اغير اسمي لملاك والله هالاسم حبيته من قلبي وبعد روحات وجيات قال المسؤول هالاسم ممنوع طيب قلها من زمان مو حرام يتعبه قال غيرهالاسم وغيرت الاسم ونفس الطريقه والله مارضى ياخذ الاوراق الين وحده من النت قالت ارسلي برقيه لوكالة الاحوال في الرياض

واخترت الاسم كلمت اهلي عليه وقلت لاتنادوني الاباسمي الجديد وصديقاتي وكل الي حوالي والله اول مره في حياتي احس بالثقه
تحمست وحسيت ان الفرج قرب لانهم يقولون الرياض متفاهمين اكثر وارسلهم واكتب سبب التغيير وبعد 4 اشهر جاء الرد تتوقعون وش الرد الرفض والسبب ان الاسم لايق

والله اني تحطمت طيب كيف يكون لايق والانسان نفسه ماهوب مقتنع يحس ان اسمه هو سبب احراجه يوم تسمعين اسماء البنات الي في جيلك شي واسمك شي ثاني ودي ادخل مركز تحفيظ ويوم اتذكر انهم بيسألوني عن اسمي اتراجع ادخل واكره اروح المستشفيات والسبب هالاسم

والله اكتبلكم والدموع مغرقه وجهي
اي انسان ماراح يغير اسمه الا لانه ماهوب مرتاح منه طيب ليش يكسرون فرحتي وحلمي الي طول حياتي احلم انه يتحقق

دايم ادعي الله يسهل تغير هالاسم ودايم اقول لامي وابوي يدعولي انه يتغير

وانتم يابنات لاتنسوني من دعواتكم