عموما أنا راح اكتفي بهالقدر من التوضيح لأني أعتقد حطيت الدليل على صدق الشركه و الموثق من وزارة التجارة .. و ما يجوز نكذب شركة و وزارة و بلد كامل لمجرد الجدال

و حبيت أفهم البعض إنه ما يتسرع و يقول كلام قد يكون سبب في قطع أرزاق الناس لمجرد كلام ينقل . لأن الشركة لو اخسرت راح تسرح الكثير من العمال اللي يسترزقون الله . و لازم ما نحمل أنفسنا أثم البهتان

و أي رد تحبون تضيفونه براحتكم
بس انا كان لي هدف التوضيح مو الجدال .. لذلك راح اكتفي بهالقدر من الردود

مزبووووط كلامك ياجبال وسهول

وانا معاااااااااااك سامحوووني راح اقاطعها الى ان يظهر الحق
اترك مايريبك الى مالا يريبك

انا ردي فقط راح يكون للناس اللي تقول ان مافي بالخليج مزارع ابقار....

انا اتكلم عن ديرتي وبس

احنا عندنا بالكويت اكثر من مزرعه للابقار


وبعدين الشغله بالعقل.......شنو هالتكلفه اللي تكلف شركات الالبان انهم يجيبون حليب من الدينمارك..

الحليب ما يبيله تخزين .؟؟ما يبيله شحن؟؟؟؟ما يبيله مواد حافظه؟؟؟
يعني مو معقوله الشركه تتكلف مصاريف كل هالشغلات عشان يجيبون حليب من الدينمارك

احنا الحمدلله عندنا مزارع ابقار بالوفره اذا ماني غلطانه وجم منطقه ثانيه


عالعموم هذا اللي عندي .......والله اعلم

والله ما ندري من نصدق؟؟؟؟؟


اذا كان اجبنبي فعلا .. بنقاطعهم
وان كانوا يضحكون علينا عشان نثق فيهم كمان بنقاطعهم << ماعندي حلول وسط <<<اعجبني ردها ضحكتني ممن جد


والله هذي اخرة الكذب ما يدرون ان الكذب حبله قصير؟؟؟

وبعدين عندي معلومه

اذا قالو هذا المنتج دنماركي موب نقول وشلون ما يخرب في الطريق؟؟
صح هم مايرسلونه بس يرسلون المواد الجافه والاساسيه...

مثل المطاعم يعني تتوقعون ماكدونالدز كل يوم ترسل وجبات للدول العربيه<<<على كذا بنموت من الخوره والعفن

بس هم ياخذون من العرب حق الاسم يعني
واحد فتح مطعم يروح يدفع للشركه الام مبلغ دوري...يعني رابحين رابحين
وبعدين هم يرسلون الطرق والخلطات السريه.....