حرام ليش بنتك كذا نحيفة!!

السلام عليكم ورحمة الله وبركاته
كل من شافني خصوصا في الفترة الأخيرة قالي حرام بنتك نحيفة مرة .وهي عمرها ثلاث سنوات الله يحفظها .
ما أدري إيش مشكلتها ما صارت تاكل أبدا ما أكذب والله عليكم تشرب مرتين في اليوم حليب في الرضعة لازم وأنا حاولت أقلل منه عشان تجوع وتاكل وإذا جوعتها مرة تاكلي نصف توست محشي جبن وفوقه عسل أو لقمتين رز لا أكثرمع إني أحاول أشجعها وأسوي لها كور بالرز وأشكال بس ماتطيع والخضار ماتحبها أبدا ممكن بعض الأحيان قطعة بطاطس
دوريها في العصاير المعلبة إذا حصلتها ما تقصر مع إني أعصر لها طبيعي بس تشرب شوي وما تكمله
وكل شي تبيه في الرضعة حتى الشاهي تجلس تصيح تبيني أحطه لها في الرضعة ..
ممكن تاكل نصف برتقالة بس ..
ما أدري شو الحل معها مضيقة صدري ما أدري أقطع عنها الرضعة وأخاف إذا قطعتها ما تشرب حليب لأنها ماتستيغه في غير الرضعة
وهل فيه شيء ممكن يفتح شهيتها للأكل وهل تنصحوني أوديها دكتور ممكن يعطينا شيء يسمنها ويفتح شهيتها لأنها طولت الحالة معها ..
تكفون أرشدوني يالأمهات وهل جربتو شيء مع أطفالكم فتح شهيتهم سواء فيتامينات أو غيره
وجزاااااااااااااااااااكم الله خير ..
أم الأقمار