السلام عليكم ورحمة الله وبركاته ،،،
دائما ودي أكتب هالموضوع لكن اليوم ،،، وبعد اللي صار قلت لازم أكتب ،، من جد ضايق خلقي وخصوصآ على
والدتي المريضة بالقلب والربو والضغط " شفاها الله ".
أخوي جدآ إنسان مدري وش أقولكم عنه ،،، هو ماتوفق بزواجه يعني تزوج مرتين ولاتوفق معهم ،،،
خصوصآ أنهم هم اللي طلبوا الطلاق؟؟؟
إنسان يسب الكل ويشتم الكل مابقى أحد إلا وتكلم فيه بسوء أستغفر الله حتى أخوانه وخواته ماسلموا من الكلام الغير لائق وهم شريفين وفي قمة العفاف والجميع يشهد والحمد لله ،،،
ولاندري وش نسوي معه ،،، تعبنا منه .
هو اللحين عند أهلي لانه نقل عفش شقته عند أهلي ،،، وجايبلهم المرض وكل يوم يطاق مع أخواني اللي ماتزوجوا .
طبعآ راح وخطب له وحدة وقبلت الزواج منه وإحنا رافضين طبعآ نروح نخطب معه ،، وقال بأتزوج وقلنا الله يوفقك ورحنا معاه الشبكة فقط وأحنا مو راضين بس نبي الستيرة لان أبوي قال لو ماتروحوا لاتدخلوا بيتي ،،، ورحنا معاه قلنا يتعفف ورضاء لوالدنا وقلنا إن شاء الله تكون خير عليه .
المهم اليوم مجتمعين عند أهلي ودخل علينا وطبعا قعد يسب في أهل زوجته الثانية ،، وقلنا أنت وش تبي مو أنت خطبت وخلاص واللحين بتتزوج قال : ايه بس أنا مقهور منها ،،، ليه طلبت الطلاق وأنا مسفرها لأحلى الديار ومعيشها أحلى عيشة ،،،
المهم قلنا ،، خلاص أنت فكر في زواجك هذا وهذيك بنت الحلال ماشفنا منها الا كل خير والله يسعدها ،،،
قام وصرخ بوجه أمي وقال أنتي السبب في طلاقي ،،، وأمي تحسبت عليه ،، لانها والله ماتدري عنهم ههم بيت لحال بالعكس امي تغليها غلا حتى أنو إحنا بناتها نستغرب تغليها غلا على كل حريم أخواني " طبعآ هذي زوجته السابقة 2 " وراحت بستيرتها الله يسعدها .
وحتى اللحين أنا وياها رسايل صداقة ،،،
المهم أحنا أنجنينا منه تعبنا والمشكلة أنو أحنـا نخاف على أمي لانه تعبت منه __ والمشكلة أنها مريضة بالقلب والضغط ____ حسبي الله عليه ونعم الوكيل .
والمشكلة تقول أمي مقدر أصوم وهو في البيت ،،، لانها تتعب منه نفسيا ،،، خصوصا أن الوالدة تحافظ على مشاعره وتجهز له غداه ،،
وحتى الشغالة متأذية منه تقول : صاكني بوجههي،، لاني ماكويت شماغه ـــ وهديناها وقلنا مافيه مشكلة هذا مجنون .
آه آه آه وش أكتب وش أخلي ،،، نبغى حل جذري معه وإنا قلوبنا مع أمي لانه مرة ضايق صدرها اليوم لانه تكلم عليها كلام قاسي .
ملاحظة :
1/ دعينا أن الله يهديه .
2/_ أخواني ماقصروا كل يوم بيتفاهمون معه وهو يقلبها طقاق ويكسر اللي حوله وأمي وأبوي يهدونه عشان مانبغى مشااااكل .
3 /_ أرجوا الدعاء أن الله يحفظ والدتي وأن يكفينا شره .
4/ نريد حلا جذريآ .
5/ أي وحدة تتزوج لازم تسأل عن الرجال وهل هو يصلي ويخاف الله ،، مو يكون همها الراتب والجمال وأشياء الدنيا ،، لابراء الذمة .
أوكوشية @aokoshy
محررة فضية
يلزم عليك تسجيل الدخول أولًا لكتابة تعليق.
دنياي علمتني
•
الله يهديه ويصلحه يارب
ماودي أشكك في اخوكم
بس وربي انتشرت حبوب المخدرات بشكل فظيع وأسأل الله ان يهدي شباب المسلمين
ترى هذه احد اعراضها والله يستر ..
اخوي نفس تصرفات اخوك وازود بعد .. شكيت فيه وودي اقطع الشك باليقين بس ماباليد حيله
شايفين انفسهم مدري على وشو !!
الله لايبلانا بناس مثلهم ولايسلطهم علينا
ربي يهدي ضال المسلمين
بس وربي انتشرت حبوب المخدرات بشكل فظيع وأسأل الله ان يهدي شباب المسلمين
ترى هذه احد اعراضها والله يستر ..
اخوي نفس تصرفات اخوك وازود بعد .. شكيت فيه وودي اقطع الشك باليقين بس ماباليد حيله
شايفين انفسهم مدري على وشو !!
الله لايبلانا بناس مثلهم ولايسلطهم علينا
ربي يهدي ضال المسلمين
الله يهديه ويفتح على قلبه شكله يبغى علاج نفسي والظاهر انه يحب زوجته عشان كذا منجرح لانه طلقها
أوكوشية
•
الله يهديه ويفتح على قلبه شكله يبغى علاج نفسي والظاهر انه يحب زوجته عشان كذا منجرح لانه طلقهاالله يهديه ويفتح على قلبه شكله يبغى علاج نفسي والظاهر انه يحب زوجته عشان كذا منجرح لانه طلقها
جزاك الله خير .
آمين والله يسعدك ؟
والله يمكن مو بعيدة بأبلغ الاهل والله يوفقك .
جزاك الله خير بس أحنا ياعيوني ماتعرضنا لها ولا أتصلنا فيها قلنا خوذي أخونا ،،، هي بنفسها وافقت وهم سألوا عنه وراضين ،، وأحنا مانعرفها أصلا . هو من نفسه راح وخطب .
آمين والله يمكن يحبها ،،، وجزاك الله خير .
آمين والله يسعدك ؟
والله يمكن مو بعيدة بأبلغ الاهل والله يوفقك .
جزاك الله خير بس أحنا ياعيوني ماتعرضنا لها ولا أتصلنا فيها قلنا خوذي أخونا ،،، هي بنفسها وافقت وهم سألوا عنه وراضين ،، وأحنا مانعرفها أصلا . هو من نفسه راح وخطب .
آمين والله يمكن يحبها ،،، وجزاك الله خير .
الصفحة الأخيرة