حرق الدهون

انا مثلك وتو بديت بعد تجارب سابقه فاشله لازم انك تكوني عندك أراده وتعزمي انك تغيري طريقة اكلك أولا وقبل كل شي تنظمي اكلك ونومك ولاتنسين انك تلعبي رياضه طبعا لازم كمان تمارين المقاومه عشان اذا نحفتي جسمك مايترهل حاولي تثقفي نفسك وتقري عن مواضيع الرياضه ورجيم وتشوفي مقاطع ناس نحفو قبل وبعد والله ييسر لك وفي مقاطع تمارين مشي 5 ميل جدا مفيده

افضل تمارين لحرق الدهون هي التمرينات اللي ترفع دقات القلب وتخليك تلهثين وتتنفسين بعمق

مثل تمارين الخمسه ميل و تمارين الاستبس وتمارين الزومبا او ببساطه الهروله مع رفع الركبه لمستوى البطن

تدرين ان التمارين اللي ترفع دقات القلب وتخليك تتنفسين شهيق وزفير بسرعه تحرق دهون اسرع بأضعاف من المشي البطيء لمدة ساعه متخيله كيف الفرق

افتحي اليوتيوب واكتبي اسم التمارين واتفرجي على المقاطع واتعلمي منها ثم ابدأي طبقيها في البدايه على هيئة تمارين قصيره متقطعه ومقسمه 10 أو 5 دقيقه مرتين باليوم الى ان يتعود جسمك على التمرين 20 دقيقه

انا كنت اركز على النفس شهيق وزفير

وابدأ امشي سريع بالبيت مثلاً 5 دقايق ثم اهرول 5 دقايق

ثم 5 إلى 10 دقايق ابدأ اسوي تمارين الزومبا اللي اتعلمتها اللي يكون فيها تحريك عضلات الخصر والرجلين واليدين وفيها حركات سريعه ونطنطه احياناً المهم اني استمر بالتنفس والحركه حتى لو ماهي ضابطه صح

ثم خلاص اختم بإني اركز على النفس وامشي دقايق بسيطه وخلاص اوقف