حرق قلبي وراح

السلام عليكم
كيفكم خواتي
لكل الي تذكر قصتي او ماتذكرها تدعي لي ان الله ياخذ حقي
يابنات زوجي سافر لصديقته وتزوجها خلاص
بعد مادمرني وقذفني في شرفي وهجرني كله عشانها الله لايوفقهم ولا يسامحهم
الكل واقف ضدي لأني ماتركت البيت والكل يلومني لأني كنت اسكت له من سنين
اه من الحب الأعمى المغشوش كل شي كان يسويه لي من هدايا وفلوس كانت مثل الغطاء والمخدر
يابنات زوجي ضربني عشان خاطرها أهانني
وانا الهبلاء الى الان احبه ولا اقدر أنساه دقيقه وحده
بس افكر وأبكي وش يسوي معاها وليش هجرني سبع شهور
ليش ذلني وانا ماقصرت عليه واحتقرني معقول لانه عارف بتعلقي به كنت اقراء ان المراه اذا رفعت زوحها فووووووق احتقرها ولاصدقت الى ان عشت ذا الواقع المر
يابنات حياتي انهارت وتعبت ووزني نزل ووجهي تغير الي يشوفني يقول عجيز
تغيرت تغيير كامل نفسي أنساه نفسي اكرهه عاش حياته مثل ماكان يتمنى انه يطبق مثل المسلسلات قصة حب وغرام وتعارف وزواج
اسال الله ان يرد كيدهم في نحرهم ويريني عجائب قدرته
يابنات دعيت الله عند الملتزم انه مايسافر ويتركها وراح قدام عيالي هم يبكون وهو يضحك عليهم
والله اعرف انه خبيث وسيئ لأكن شي موبيدي انا مو لعبه بضغطة زر اتغير واتحكم في مشاعري
انا تعبانه وهو مبسوط ولافكر فيه يتصل على جوال بنتي بس
يابنات من كمية القهر الي فيه دخلت عليه واتس وسبيته وسبيت الحقيره الي مثله باردا الكلام
اعرف اني غلطانه بس من القهر صرت أتخبط مدري وش اسوي
عيالي يدورونه ويبكون ومابيدي شي
واحتمال بيجلس شهر عندها
علموني وجهوني هزاوني دموعي ماتوقف نص ساعه
انا كيف اتعامل معاه اذا رجع خصوصاً انه سبي وقذفني عشانها الله ياخذ حقي
وانا اتصلت على اكثر من استشاري وعرضة مشكلتي الكل طلب ارفع قضية قذف بس رفضة مرررره صعب
وش اقول لعيالي بشتكي أبوكم وش اقول للناس خصوصاً ان بيننا قرابه
اخواني واحد يقول اصبري وبامر الله تكون نزوه والثاني يقول خلع ولو تبين اليوم ارفع لك قضيه
انا مهمومه وتعبانه
ودلوني كيف ارجع وجهي مثل اول كان كله حيويه وبياض الان والله مرررره سمرت ووجهي ذابل وسواد تحت العيون والشي الاقوى خطين واضحه من اثر البكاء الكل لاحظها
لاحد يقول ليش تعذبين نفسك ارجع وأقول شي مهو بيدي كان ارتحت ا
اللهم ياواحد يا احد يافرد ياصمد أريني فيهم عجائب قدرتك اللهم ارسل لهم جندك وانصر عبدتك كلمه بكلمه وحرف بحرف
وسامحوني اذا طولت عليكم وصدعتكم
اسالكم بالله لاتسوني من دعاكم وجزاكم الله خير مقدماً