القحطانيه @ai20ma
محررة برونزية
حركات اخت زوجي
بنات والله العظيم اكتبلكم وفيني ضيقه مايعلم فيها الا ربي انا من تزوجت لي سنتين وكل خوات زوجي يحبوني ولايفرقون بيني انا واحمواتهم الا وحده وهذي الوحده زوجي يموت فيها ويحبها وهي اخته من امه وابوه المهم دايم دايم تسوي فيني حركات واشياء لو اتكلم من اليوم لين بكره ماراح تخلص المواقف المهم زوجي عارف انها تغلط علي ومع ذا حتى الفضفضه عنده مايبغاني اقولها طيب هو صح غلط اني اتكلم فيها عنده بس انا لي سنتين ماتكلمت هو يشوف حركاتها ويسوي نفسه غبي احاول المح له عشان يخليني اقطعها وماعزمها وابعد عنها تخيلو دايم يجبرني اعزمها مع خواته الباقين واي عزيمه عندي لازم اقولها وهذي المره تخيلو طالعه هي وكل زوجات اخوانها الي بمدينتنا الا انا ماقالت لي ولاعزمتني!!! ومو اول مره تسويها تخيلو ماقد دخلتني بيتها ودايم في الجمعات والقروبات طول الجلسه تمدح الباقين وانا ماتقول شي يمكن تقولون اغار من الباقين بس انا مدري شفيني احس شي يحز بالخاطر كأني منبوذه وكانها مو متقبلتني ولاتبغاني من اول ماتزوجت والي يقهر كل مابعدت عنها وابغا اقطع العلاقه معاها زوجي يرفض ومايبغاني اقول فيها حرف واحد كانه يبغاني اقدسها وهي مو معبرتني ولا محترمتني ايش رايكم انا مكبره الموضوع والا هو فعلا يزعل وثاني شي ادري بتقولون خلاص خلي عندك كرامه انا والله حمدلله عندي كرامه وساحبه عليها ولا قد عاتبتها بس الشي عن نفسيتي وغصب عني يحز بخاطري واتمنى اسوي ردة فعل ضدها بس زوجي مو مخليني وانا اصلا مابغا افاتحها بالموضوع وتحسبني ميته عليها لانها من النوع الي ماتعترف بالغلط وراح تخليني الغلطانه وادري بتجي وحده تقول يمكن انتي تسوين شي غلط ومو حاسه بنفسك انا لو شخصيتي فيها شي غلط مع اهل زوجي كان كل خواته يكرهوني بس الباقين كلهم يعزوني ويقدروني وكلهم قد دخلت بيوتهم الا هي
103
8K
يلزم عليك تسجيل الدخول أولًا لكتابة تعليق.
وردة نوڤمبر
•
شوفي هو دعاء واحد تقولينه قلي اللهم اكفنيها بما شئت وكيفما شئت وقلي اسمها فهمتي كرري في السجود وهو ربي سبحانه راح يبين لك اذا تغار منك تكيد لك بيفضحها ربي لاتخافين
زائرة
•
شعورك تجاهها وضيقتك شي طبيعي واي وحدة مكانك تحس بنفس الشيئ وهذا اللي تبغاه هي بعيدا عن سبب كرهها لك لا يهمك رضاها ابد الحل هو التغافل اذا انتي عزمتيها وخليتي تعاملك معها عادي كأن افعالها م اثرت فيك رح تنقهر اكثر من مقاطعتك لها
كنت بأسجل خروج لكن انتبهت لموضوعك و حبيت أرد عليك
حبيبتي معذورة بضيقك
لكن برأيي إن الزوج هنا هو اللي مفروض يتصرف يعني مثل ما يهتم يأكد عليك إنه تراعينها و تظهرين الاحترام لها
بالمقابل مهم يكلم أخته تراعيك و تظهر الاحترام لك
يعني بالموقف الأخير لو كلمها و هو عند أمه و أخوانه ،، يتصل يقولها يا فلانة عرفت من أهلي إنكم مجتمعات إنتم و زوجات أخواني طيب ليه ما كلمتم زوجتي معكم ؟!
و وقتها يسمع التبرير
لكن الأهم توصلها رسالة إنه ما يرضى التجاهل لك
لذلك لو بتتكلمين معه اطلبي منه على الأقل ما يصير تمييز واضح بحركة محرجة مثل اللي حصل
خاصة الكل اجتمع بإستثاء وحدة هذه الحركة تسبب تنافر بينكم و يزيد الوضع سوء
حبيبتي معذورة بضيقك
لكن برأيي إن الزوج هنا هو اللي مفروض يتصرف يعني مثل ما يهتم يأكد عليك إنه تراعينها و تظهرين الاحترام لها
بالمقابل مهم يكلم أخته تراعيك و تظهر الاحترام لك
يعني بالموقف الأخير لو كلمها و هو عند أمه و أخوانه ،، يتصل يقولها يا فلانة عرفت من أهلي إنكم مجتمعات إنتم و زوجات أخواني طيب ليه ما كلمتم زوجتي معكم ؟!
و وقتها يسمع التبرير
لكن الأهم توصلها رسالة إنه ما يرضى التجاهل لك
لذلك لو بتتكلمين معه اطلبي منه على الأقل ما يصير تمييز واضح بحركة محرجة مثل اللي حصل
خاصة الكل اجتمع بإستثاء وحدة هذه الحركة تسبب تنافر بينكم و يزيد الوضع سوء
شوفي هو دعاء واحد تقولينه قلي اللهم اكفنيها بما شئت وكيفما شئت وقلي اسمها فهمتي كرري في السجود وهو ربي سبحانه راح يبين لك اذا تغار منك تكيد لك بيفضحها ربي لاتخافينشوفي هو دعاء واحد تقولينه قلي اللهم اكفنيها بما شئت وكيفما شئت وقلي اسمها فهمتي كرري في السجود...
مشكوره يعمري انا الي اتمناه ربي يسخر زوجي لي ويخليه يدافع عني
زائرة :
شعورك تجاهها وضيقتك شي طبيعي واي وحدة مكانك تحس بنفس الشيئ وهذا اللي تبغاه هي بعيدا عن سبب كرهها لك لا يهمك رضاها ابد الحل هو التغافل اذا انتي عزمتيها وخليتي تعاملك معها عادي كأن افعالها م اثرت فيك رح تنقهر اكثر من مقاطعتك لهاشعورك تجاهها وضيقتك شي طبيعي واي وحدة مكانك تحس بنفس الشيئ وهذا اللي تبغاه هي بعيدا عن سبب كرهها...
والله انك صادقه دايم اذا عزمتهم زوجي يقول انتي الي خليك العاقله الطيبه خليك حبوبه معها واذا حاولت اتقرب منها احسها ماتعطيني وجه ودايم تضحك مع الباقين الا انا هالشي يسبب لي حزن مايعلم فيه الا ربي يعني صرت بينها وبين زوجي زوجي مايبغا يزعل اخته بس ماهمه زعلي
الصفحة الأخيرة