انا لو عندي بنت بعد هالكلام والافكار ذي بصير اخجل من انها ترقص وتنبسط اخاف يفهموننا غلط
ويمكن مااطلب منها تروح للاعراس بعد

يمكن انت مو متعودة تشوفين طابور بنات او امهات يهتمون فيك تحسين انه نفاق عشان ولدك ولا انت ما جابوا خبرك🤓
تدللي يا ام العيال مين قدك تشوفين البنات ينعرضون عليك وحدة وحدة وبدت تطلع من داخلك الغيرة على عيالك او عيال اخوانك لما حسيتيهم مهتمين فيكم فجأة لما وصل عمر عيالك سن الزواج 😆

بصراحة اشوف بعض القرايب زي كذا يحرصون يقولون معلومات عن بناتهم مثقفة او غيرها وتهتم تقول تفاصيل تمدح فيها بنتها عند العيلة اللي بها شباب واعتبره شي طبيعي وفطري لكن ما عندي احد كفو يستاهلهم!

اما انا قبل الزواج فكان عندي عقدة من السلام والكلام مع اي احد كنت اخاف يفكرون اني ابي ولدهم ويحقروني!! وفعلا ما قصروا بعض الحريم في الابتائي والجامعة بدون اي تصرف مني او من البنات اللي حولي كانوا يقولون مزحا "ما رح ازوجكم عيالي🌚 " ترا مرة هذه المقولة تخلق داخل البنت دفاع عن نفسها وتبدأ تتجنبكم عشان ما تفهمونها غلط لانه حتى لو تزوجت بسبب وحدة ذكرت جمالها او ادبها في المناسبة رح يكون بفضل الله ورزق ونصيب مو بفضل احد ثاني!
خلوكم محجرين للبنات كذا ورح تشوفون جيل ما عليه منكم يرحون مباشرة للشاب ويتعرفون عليه بقصد الزواج او تروح تحط بياناتها في مواقع الزواج وهي باقي صغيرةعشان تتعامل مع الرجل مباشرة ولا تعرض نفسها لعيون ناقدة مثل عيونكم وينقال عنها مشفوحة أو رامية نفسها!!!

عادي يختي روحي ببناتك وعرفيهم واصنعي لهم شنة ورنة ترا موب عيب تبرزين احسن ما فيهم وتخلينهم يختلطون مع الناس…. اللي يفهم غلط مع نفسه 😉

دع الخلق للخالق

أحسني الظن والنية..
أمي تأخذنا نسلم ع الحريم، وتتباهى يا حبيبتي فينا.. تقول هذي بنتي فلانه وهذي بنتي فلانه.. من باب التعريف وصلة الرحم.. تأخذنا كلنا أنا وأخواتي حتى المتزوجات.. تعرفنا هذي بنت عمكم وهذي بنت خالتكم و.. و..